Click it and Unblock the Notifications
Just In
Don't Miss
-
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
സമരം ചെയ്യാന്‍ അവകാശമില്ല: സര്‍ക്കാര്‍
കൊച്ചി: സംസ്ഥാനജീവനക്കാര്‍ക്ക് സമരം ചെയ്യാന്‍ മൗലികഅവകാശമില്ലെന്ന് സംസ്ഥാനസര്‍ക്കാര്‍. മാര്‍ച്ച് ഒന്ന് വെള്ളിയാഴ്ച ഹൈക്കോടതിയില്‍ നല്കിയ എതിര്‍ സത്യവാങ്മൂലത്തിലാണ് സംസ്ഥാനസര്‍ക്കാര്‍ ഇക്കാര്യം ബോധിപ്പിച്ചിരിക്കുന്നത്.
സര്‍ക്കാര്‍ ജീവനക്കാര്‍ 1947ലെ വ്യവസായതര്‍ക്കനിയമത്തിന്റെ പരിധിയില്‍ വരുന്നവരല്ലാത്തതിനാലാണ് അവര്‍ക്ക് സമരം മൗലികാവകാശമല്ലാത്തതെന്നും സര്‍ക്കാര്‍ വ്യക്തമാക്കുന്നു. സമരം ന്യായീകരിക്കാനാവില്ലെന്നും ചീഫ്സെക്രട്ടറി വി. കൃഷ്ണമൂര്‍ത്തി ഹൈക്കോടതിയില്‍ നല്കിയ എതിര്‍ സത്യവാങ്മൂലത്തില്‍ പറയുന്നു.
1968ലെ കേരള പബ്ലിക് സര്‍വീസസ് ആക്ട് 1983ല്‍ ഭേദഗതി ചെയ്തു. ഇതനുസരിച്ച് സംസ്ഥാനത്തെ പൊതു സര്‍വീസിലെ അംഗങ്ങളാരും വ്യവസായതര്‍ക്കനിയമത്തിന്റെ പരിധിയില്‍ വരുന്നില്ലെന്നും സത്യവാങ്മൂലം വാദിക്കുന്നു.
കേരളത്തിലെ സര്‍ക്കാര്‍ ജീവനക്കാര്‍ക്ക് സമരത്തെ ഒരവകാശമായി വാദിക്കാനാവില്ല. ഈ സാഹചര്യത്തിലാണ് 1994ല്‍ എസ്മ (അവശ്യസര്‍വീസ് സംരക്ഷണ നിയമം) കൊണ്ടുവന്നത്.
കേരളത്തിലെ സര്‍ക്കാര്‍ ജീവനക്കാരെ വ്യവസായനിയമപ്രകാരം തൊഴിലാളികള്‍ എന്ന് നിര്‍വചിക്കാന്‍ കഴിയാത്തതിനാല്‍, ട്രേഡ് യൂണിയന്‍ നിയമപ്രകാരമുള്ളസംരക്ഷണവും അവര്‍ക്ക് അവകാശപ്പെടാനാവില്ല. - സത്യവാങ്മൂലം വിശദീകരിക്കുന്നു.
എസ്മയിലെ ആറാം വകുപ്പിനെ(എസ്മ പ്രകാരം അറസ്റുചെയ്യപ്പെടുന്നവര്‍ക്ക് കോടതി ജാമ്യം നല്കരുതെന്ന് ഈ വകുപ്പ് അനുശാസിക്കുന്നു) ചോദ്യം ചെയ്തുകൊണ്ട് കോടതിയില്‍ സമര്‍പ്പിക്കപ്പെട്ട രണ്ട് റിട്ട് ഹര്‍ജികളിന്മേലാണ് സര്‍ക്കാര്‍ എതിര്‍സത്യവാങ്മൂലം നല്കിയിരിക്കുന്നത്. ഈ കേസിന്മേല്‍ ചീഫ് ജസ്റിസ് ബി.എന്‍. ശ്രീകൃഷ്ണയും ജസ്റിസ് ജി. ശിവരാജനും അടങ്ങിയ ബഞ്ച് മാര്‍ച്ച് ഏഴ് വ്യാഴാഴ്ച വാദം കേള്‍ക്കും.
