ബജറ്റ് നിര്‍ദ്ദേശങ്ങള്‍ ഏഷ്യന്‍ ബാങ്കിനെ പ്രീതിപ്പെടുത്താന്‍

തിരുവനന്തപുരം: 2002 - 2003 കാലത്തേയ്ക്ക് ധനമന്ത്രി ശങ്കരനാരായണന്‍ അവതരിപ്പിച്ച ബജറ്റ് ഏഷ്യന്‍ വികസന ബാങ്കിനെ തൃപ്തിപ്പെടുത്താനുള്ളതാണെന്ന് പ്രതിപക്ഷനേതാവ് അച്ചുതാന്ദന്‍.

ബജറ്റിനെക്കുറിച്ച് വാര്‍ത്താ ലേഖകരോട് പ്രതികരിയ്ക്കുകയായിരുന്നു അദ്ദേഹം. മുഖ്യമന്ത്രി ആന്റണി ഏഷ്യന്‍ വികസന ബാങ്കിന്റെ അടിമയായിരിയ്ക്കുകയാണ്. കേന്ദ്ര സര്‍ക്കാരിനെപ്പോലം കേരളസര്‍ക്കാരും ലോകബാങ്കിന്റെയും ലോകനാണ്യ നിധിയുടെയും നയങ്ങള്‍ നടപ്പാക്കുകയാണ്.

കരം പിരിയ്ക്കാന്‍ കഴിയാത്തത് സര്‍ക്കാരിന്റെ കഴിവുകേടാണ് വെളിപ്പെടുത്തുന്നത്. ചില ഉല്പന്നങ്ങളുടെ നികുതി ഒരുവര്‍ഷത്തേയ്ക്കുകൂടി നിലനിറുത്തിയത് വിലക്കയറ്റത്തിന് വഴിതെളിയ്ക്കും. വിവര സാങ്കേതിക രംഗത്തിന്റെ വളര്‍ച്ചയ്ക്ക് യാതൊരു പദ്ധതിയും ബജറ്റിലില്ലെന്നും അച്ചുതാനന്ദന്‍ പറഞ്ഞു. കേരള ചിട്ടി നിയമം ഭേദഗതി ചെയ്യുന്നത് സ്വകാര്യ ചിറ്റാളന്മാരെ സഹായിയ്ക്കാനാണ്. പ്രതിപക്ഷനേതാവ് പറഞ്ഞു.