മുല്ലപ്പെരിയാര്: നിയമമുണ്ടാക്കുമെന്ന് മന്ത്രി
തിരുവനന്തപുരം: മുല്ലപ്പെരിയാര് അണക്കെട്ട് സംബന്ധിച്ച് കേരളത്തിന്റ താല്പര്യം സംരക്ഷിക്കാന് നിയമം കൊണ്ടുവരുമെന്ന് ജലസേചനമന്ത്രി ടി.എം. ജേക്കബ്. മുല്ലപ്പെരിയാറിന്റെ ഉയരം കൂട്ടാനുള്ള തമിഴ്നാടിന്റെ നീക്കത്തിനെതിരെ കേരളത്തിന്റെ താല്പര്യം സംരക്ഷിക്കാന് ഇത് അത്യാവശ്യമാണെന്നും മന്ത്രി പറഞ്ഞു.
മുല്ലപ്പെരിയാറിന്റെ ഉയരം കൂട്ടുന്നതില് നിന്നും തമിഴ്നാടിനെ തടയുന്നതിന് അധികാരമുള്ള ഒരു നിയമം നിര്മ്മിക്കാന് സംസ്ഥാനനിയമസഭയ്ക്ക് അധികാരമുണ്ടെന്നാണ് അറിയാന് കഴിഞ്ഞത്. തമിഴ്നാടുമായുള്ള അന്തര്സംസ്ഥാന കരാര് റദ്ദാക്കാനുള്ള അവകാശംപോലും സംസ്ഥാനത്തിനുണ്ട്. - ജേക്കബ് വ്യക്തമാക്കി.
മുല്ലപ്പെരിയാര് സംഭരണിയുടെ ഉയരം 136അടിയില് നിന്നും 144 അടിയാക്കി ഉയര്ത്താനുള്ള തമിഴ്നാടിന്റെ അവകാശം അംഗീകരിക്കാനാവില്ലെന്ന് കേരളം ട്രിബ്യൂണലിന്റെ മുമ്പാകെ വ്യക്തമാക്കിയിട്ടുണ്ട്. മുല്ലപ്പെരിയാര് ഒരു അന്തര്സംസ്ഥാനപ്രശ്നമല്ല. കാരണം മുല്ലപ്പെരിയാര് ഉത്ഭവിക്കുന്നതും അവസാനിക്കുന്നതും കേരളത്തിലാണ്. അണക്കെട്ട് നിലനില്ക്കുന്നതും കേരളത്തിലാണ്. - ജേക്കബ് പറഞ്ഞു.