പിഡിപി വിമാനത്താവളമാര്‍ച്ച് 30ന്

തിരുവനന്തപുരം : പിഡിപി പ്രവര്‍ത്തകര്‍ കേരളത്തിലെ മൂന്ന് അന്താരാഷ്ട്ര വിമാനത്താവളങ്ങളിലേയ്ക്ക് മാര്‍ച്ച് 30ന് പ്രകടനം നടത്തും. ഗുജറാത്ത് കൂട്ടക്കൊലയ്ക്ക് ഉത്തരവാദികളായ നരേന്ദ്രമോഡി സര്‍ക്കാരിനെ പിരിച്ചു വിടണമെന്നാവശ്യപ്പെട്ടാണ് മാര്‍ച്ച്.

പിഡിപി ജനറല്‍ സെക്രട്ടറി മുഹമ്മദ് ബിലാന്‍ മാര്‍ച്ച് 26 ചൊവാഴ്ച വാര്‍ത്താ സമ്മേളനത്തില്‍ അറിയിച്ചതാണ് ഈ വിവരം.

കോയമ്പത്തൂര്‍ ബോംബ് സ്ഫോടനക്കേസില്‍ ജയിലില്‍ കഴിയുന്ന പാര്‍ട്ടിയുടെ സ്ഥാപക നേതാവ് അബ്ദുള്‍ നാസര്‍ മദനിയെ മോചിപ്പിക്കണമെന്നും പിഡിപി നേതാവ് ആവശ്യപ്പെട്ടു.