കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രോഗമഭിനയിച്ച് യാസീന്‍ മാലിക്

  • By Staff
Google Oneindia Malayalam News

കശ്മീര്‍ : ചോദ്യം ചെയ്യല്‍ ഒഴിവാക്കാല്‍ വിമത കശ്മീര്‍ നേതാവ് നെഞ്ചു വേദന അഭിനയിച്ചു. പോട്ടോ പ്രകാരം കഴിഞ്ഞ ദിവസം അറസ്റിലായ കശ്മീര്‍ വിമോചന മുന്നണി നേതാവ് യാസീന്‍ മാലികാണ് കഥാനായകന്‍. തുടര്‍ന്ന് ഇയാളെ നഴ്സിംഗ് ഹോമില്‍ പ്രവേശിപ്പിച്ചു.

അറസ്റിലായതിനു ശേഷം ആഹാരം കഴിക്കാന്‍ യാസീന്‍ മാലിക്ക് വിസമ്മതിച്ചിരുന്നു. അര്‍ദ്ധരാത്രി ചോദ്യം ചെയ്യലിനിടയിലാണ് നെഞ്ചു വേദനയെന്ന് പൊലീസിനോട് പറഞ്ഞത്. ചോദ്യം ചെയ്യലില്‍ നിന്നും ഒഴിവാകാനുളള അടവാണിതെന്നാണ് പൊലീസിന്റെ അഭിപ്രായം.

നേരത്തെ ഉദ്ദംപൂര്‍ ചീഫ് ജുഡീഷ്യല്‍ മജിസ്ട്രേറ്റിനു മുന്നില്‍ വിചാരണാ വേളയില്‍ തനിക്ക് നെഞ്ചു വേദനയുണ്ടെന്ന് യാസീന്‍ മാലിക് പരാതിപ്പെട്ടിരുന്നു. മാലികിനെ വിദഗ്ദ്ധ പരിശോധനയ്ക്ക് വിധേയനാക്കാന്‍ മജിസ്ട്രേറ്റ് ഉത്തരവിട്ടു.

ചൊവാഴ്ച മെഡിക്കല്‍ കോളെജ് പ്രിന്‍സിപ്പല്‍ എച്ച്. കെ. ഗോസ്വാമിയുടെ നേതൃത്വത്തില്‍ ഒരു വിദഗ്ദ്ധസംഘം മാലികിനെ പരിശോധിക്കുകയും ആരോഗ്യനില തൃപ്തികരമാണെന്ന് റിപ്പോര്‍ട്ട് നല്‍കുകയും ചെയ്തു. തുടര്‍ന്നാണ് ഇയാളെ പൊലീസ് കസ്റഡിയിലാക്കിയത്.

ഡോക്ടര്‍മാരുടെ റിപ്പോര്‍ട്ട് ലഭിച്ചതിനു ശേഷം സുശക്തമായ കാവലില്‍ മറ്റൊരിടത്തു വച്ചാണ് ചോദ്യം ചെയ്തതെന്നും ജയിലില്‍ പ്രവേശിപ്പിച്ചിട്ടില്ലെന്നും പൊലീസ് അറിയിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X