ഒസാമയുടെ കത്ത് കിട്ടി: അറബിക് പത്രം
ദുബായി: മധ്യപൗരസ്ത്യ ദേശത്ത് സമാധാനം പുന:സ്ഥാപിക്കുന്നതിനുള്ള സൗദിയുടെ ശ്രമങ്ങളെ അപലപിക്കുന്ന ഒസാമ ബിന് ലാദന്റെ ഒരു ഇ-മെയില് സന്ദേശം തങ്ങള്ക്കു ലഭിച്ചതായി ലണ്ടന് കേന്ദ്രമായുള്ള അറബിക് ദിനപത്രം അല് കുദ്സ് അല് അറബി റിപ്പോര്ട്ട് ചെയ്തു.
ഇ-മെയില് വിലാസം പത്രം വെളിപ്പെടുത്തിയിട്ടില്ല. ഇ-മെയില് സന്ദേശം ആധികാരികമാണോയെന്ന് പരിശോധിക്കുന്നതിന് എന്താണ് ചെയ്തതെന്നതിനെ കുറിച്ചും പത്രം ഒന്നും പറയുന്നില്ല.
1967ല് പിടിച്ചെടുത്ത പ്രദേശങ്ങള് വിട്ടുകൊടുക്കുകയാണെങ്കില് ഇസ്രയേലുമായി സാധാരണ നിലയിലുള്ള ബന്ധം സ്ഥാപിക്കാമെന്ന സൗദി രാജകുമാരന് അബ്ദുള്ളയുടെ പ്രസ്താവനയെ അപലപിക്കുന്നതാണ് ഇ-മെയില് സന്ദേശം.
സപ്തംബര് 11ന് നടന്ന അക്രമങ്ങള്ക്കു മുമ്പ് ഒസാമയുമായി അല് കുദ്സ് അല് അറബിയുടെ പത്രാധിപര് അഫ്ഗാനിസ്ഥാനില് കൂടിക്കാഴ്ച നടത്തിയിരുന്നു.
Click it and Unblock the Notifications
Sign in with Google