Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഓണ്‍ലൈന്‍ വഴി പാസ്പോര്‍ട്ട് ഉടന്‍
കൊച്ചി: ഓണ്‍ലൈന്‍ വഴി പാസ്പോര്‍ട്ടിന് അപേക്ഷിക്കാവുന്ന സംവിധാനം ഉടന്‍ നിലവില്‍ വരുമെന്ന് കൊച്ചി റീജ്യണല്‍ പാസ്പോര്‍ട്ട് ഓഫീസര്‍ സി. ഫെലിക്സ് റൊസാരിയോ പറഞ്ഞു. ഒരു മാസത്തിനുള്ളില്‍ ഈ സംവിധാനം ഒരുക്കുമെന്ന് ഏപ്രില്‍ മൂന്ന് ബുധനാഴ്ച വാര്‍ത്താസമ്മേളനത്തില്‍ അദ്ദേഹം പറഞ്ഞു.
ഈ സംവിധാനം നിലവില്‍ വന്നാല്‍ അപേക്ഷയുമായി ക്യൂവില്‍ നില്ക്കേണ്ട ബുദ്ധിമുട്ട് ഒഴിവായിക്കിട്ടും. ഓണ്‍ലൈന്‍വഴി പാസ്പോര്‍ട്ടിന് അപേക്ഷിക്കാന്‍ പ്രത്യേകിച്ച് കൂടുതല്‍ ഫീസൊന്നും ഈടാക്കുകയില്ല. ഇപ്പോള്‍ ബാംഗ്ലൂരില്‍ ഈ സംവിധാനം നിലവിലുണ്ട്.- അദ്ദേഹം പറഞ്ഞു.
പാസ്പോര്‍ട്ട് അപേക്ഷകരുടെ സൗകര്യാര്‍ത്ഥം എല്ലാ ജില്ലകളിലും അപേക്ഷകള്‍ സ്വീകരിക്കുന്ന സംവിധാനം ഏര്‍പ്പെടുത്താന്‍ കേന്ദ്രം സംസ്ഥാനസര്‍ക്കാരുകളോട് ആവശ്യപ്പെട്ടിട്ടുണ്ട്. അതാത് ജില്ലകളില്‍ പൊലീസ് സൂപ്രണ്ടുമാരുടെയോ , ജില്ലാ മജിസ്ട്രേറ്റുമാരുടെയോ ഓഫീസുകളിലും വേണമെങ്കില്‍ ഈ സംവിധാനം സ്ഥാപിക്കാമെന്നും കേന്ദ്രഉത്തരവ് നിര്‍ദേശിക്കുന്നു. സംസ്ഥാനസര്‍ക്കാരും എല്ലാ ജില്ലകളിലും പാസ്പോര്‍ട്ട് സെല്ലുകള്‍ സ്ഥാപിക്കാന്‍ ആലോചിച്ചുകൊണ്ടിരിക്കുന്നു. ഈ സെല്ലുകളെ പരസ്പരം കമ്പ്യൂട്ടര്‍ ശൃംഖലയുമായി ബന്ധപ്പെടുത്തിയാല്‍ പാസ്പോര്‍ട്ടിന് അപേക്ഷിച്ചയാള്‍ക്ക് തന്റെ അപേക്ഷയുടെ നിജസ്ഥിതി അറിയാന്‍ എളുപ്പമായിരിക്കും. - ഫെലിക്സ് അഭിപ്രായപ്പെട്ടു.
പക്ഷെ ജില്ലകള്‍തോറും ഈ സംവിധാനം ഏര്‍പ്പെടുത്താനുള്ള ചെലവുമുഴുവന്‍ സംസ്ഥാനം വഹിക്കേണ്ടിവരും. ഇപ്പോള്‍ തന്നെ തമിഴ്നാട്, സിക്കിം, നാഗാലാന്റ്, പഞ്ചാബ്, ഗുജറാത്ത്, ആന്ധ്ര എന്നിവിടങ്ങളില്‍ നിലവിലുണ്ട്.
