ഇന്ന് മെയ് ദിനം

തിരുവനന്തപുരം: തൊഴിലാളികളുടെ അവ-കാ-ശ പോരാട്ടത്തിന്റെ നീണ്ട കാലത്തെ ചരിത്രത്തില്‍ മാറ്റത്തിന്റെ സുപ്രധാന ദിശയ്ക്ക് തുടക്കം കുറിച്ച ദിനം ഇന്ന്.

എട്ട് മണിക്കൂര്‍ ജോലിയെന്ന ആവശ്യം നീണ്ട കാലത്തെ പോരാട്ടത്തിന് ശേഷം പീഡനങ്ങള്‍ അതിജീവിച്ച് നേടിയെടുത്ത ദിനമെന്ന നിലയില്‍ സര്‍വലോക തൊഴിലാളികളും വിജയത്തിന്റെയും പോരാട്ട സാഫല്യത്തിന്റെയും ദിനമായി മെയ് ദിനം ആചരിക്കുന്നു. ആഗോളവല്‍ക്കരണവും ഉദാരവത്കരണവും ഓരോ ഗ്രാമത്തിന്റെ കോണിലും മാറുന്ന ലോകക്രമത്തിന്റെ അടയാളങ്ങള്‍ പതിപ്പിക്കുമ്പോഴും തൊഴിലാളികള്‍ക്ക് മെയ് ദിനം ഐതിഹാസിക ദിനം തന്നെ.

വിവിധ പരിപാടികളോടെയാണ് മെയ് ദിനം ചൊവാഴ്ച ആചരിക്കുന്നത്. ചൊവാഴ്ച വിവിധ തൊഴിലാളി സംഘടനകള്‍ സംസ്ഥാനത്തിന്റെ വിവിധ ഭാഗങ്ങളില്‍ പ്രകടനങ്ങളും പൊതുയോഗവും സംഘടിപ്പിക്കുന്നുണ്ട്.