കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കയറ്റിറക്ക്: ഉടമയ്ക്ക് തീരുമാനിക്കാമെന്ന് മന്ത്രിമാര്‍

  • By Staff
Google Oneindia Malayalam News

തിരുവനന്തപുരം: വാണിജ്യേതരമായ കയറ്റിറക്ക് ജോലികള്‍ക്ക് തനിക്കിഷ്ടമുള്ളവരെ നിയമിക്കാന്‍ തൊഴിലുടമയ്ക്ക് സ്വാതന്ത്യ്രം നല്കുമെന്ന് മന്ത്രിമാര്‍. ഇതിനധികാരമുള്ള ബില്‍ ഉടന്‍ നിയമസഭയില്‍ കൊണ്ടുവരുമെന്നും മെയ് രണ്ട് വ്യാഴാഴ്ച തൊഴില്‍മന്ത്രി ബാബുദിവാകരനും വ്യവസായമന്ത്രി കുഞ്ഞാലിക്കുട്ടിയും വാര്‍ത്താസമ്മേളനത്തില്‍ അറിയിച്ചു.

സര്‍ക്കാരിന്റെ പരിഗണനിയിലിരിക്കുന്ന തൊഴില്‍-വ്യവസായതര്‍ക്കബില്‍ സംബന്ധിച്ച് വിവിധ ട്രേഡ്യൂണിയന്‍ നേതാക്കളുമായി ചര്‍ച്ച നടത്തിയ ശേഷമാണ് മന്ത്രിമാര്‍ ഇക്കാര്യം അറിയിച്ചത്. തൊഴില്‍ തര്‍ക്കങ്ങളില്‍ പൊലീസിന് ഇടപെടാനുള്ള സ്വാതന്ത്യ്രം നല്കുമെന്നും ബാബുദിവാകരന്‍ പറഞ്ഞു.

തൊഴില്‍തര്‍ക്കങ്ങളില്‍ പൊലീസ് ഇടപെടാതിരിക്കുന്ന സാഹചര്യമാണ് ഇപ്പോഴുള്ളത്. ഇതിന് മാറ്റംവരുത്തും. തൊഴില്‍തര്‍ക്കങ്ങളില്‍ ക്രിമിനല്‍ സ്വഭാവമുണ്ടെങ്കില്‍ അവിടെ പൊലീസിനെ ഇടപെടാന്‍ അനുവദിക്കും. കയറ്റിറക്ക് മേഖലയിലെ ദുഷ്പ്രവണതകള്‍ ഇല്ലാതാക്കാന്‍ കയറ്റിറക്ക് നിയന്ത്രണ നിയമം കൊണ്ടുവരുമെന്നും ബാബുദിവാകരന്‍ പറഞ്ഞു.

എന്തായാലും ട്രേഡ് യൂണിയന്‍ രംഗത്തെ ദുഷ്പ്രവണതകള്‍ നീക്കുക എന്ന ലക്ഷ്യത്തില്‍നിന്ന് സര്‍ക്കാര്‍ പിന്തിരിയുന്ന പ്രശ്നമില്ല. സംസ്ഥാനത്ത് വ്യവസായത്തിന് അനുകൂലമായ സാഹചര്യം സൃഷ്ടിക്കാന്‍ സര്‍ക്കാര്‍ പ്രതിജ്ഞാബദ്ധമാണെന്നും മന്ത്രി കുഞ്ഞാലിക്കുട്ടി പറഞ്ഞു.

അതേ സമയം 1978ല്‍ നിലനില്ക്കുന്ന ചുമട്ടുതൊഴിലാളി നിയമത്തില്‍ ഒരു മാറ്റവും വരുത്താന്‍ അനുവദിക്കില്ലെന്ന നിലപാടിലാണ് എല്ലാ ട്രേഡ്യൂണിയന്‍ സംഘടനകളും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X