കേരളത്തില് ജനസംഖ്യ വളര്ച്ചാ നിരക്ക് കുറയുന്നു
തിരുവനന്തപുരം: വിദേശ മലയാളികളുടെ എണ്ണം പെരുകുന്നത് കേരളത്തിലെ ജനസംഖ്യയുടെ വളര്ച്ചാ നിരക്കിനെ സാരമായി ബാധിച്ചതായി സെന്റര് ഫോര് ഡെവലപ്പ്മെന്റ് സ്റഡീസ് നടത്തിയ പഠനത്തില് പറയുന്നു.
കഴിഞ്ഞ ദശകത്തേക്കാളും ഈ ദശകത്തില് ജനസംഖ്യാ വളര്ച്ചാ നിരക്ക് സാരമായി കുറഞ്ഞു. വിദേശത്ത് ജോലി ചെയ്യുന്ന മലയാളികളുടെ ഭാര്യമാരില് ഭൂരിഭാഗവും നാട്ടില് തന്നെയാണ് താമസിക്കുന്നതെന്നതാണ് ഇതിന് പ്രധാന കാരണം.
വിദേശത്ത് ജോലി ചെയ്യുന്നവരുടെ കുടുംബങ്ങള് കുടുംബാസൂത്രണ മാര്ഗങ്ങള് സ്വീകരിക്കുന്നത് ജനസംഖ്യാ വളര്ച്ചാ നിരക്ക് സാരമായി കുറയുന്നതിന് മറ്റൊരു കാരണമാവുന്നു.പുതിയ കുടുംബം തുടങ്ങുന്നവരില് അഞ്ചില് ഒരുഭാഗം ആളുകള് കേരളത്തിന് പുറത്തേയ്ക്ക് പോകുന്നതും കേരളത്തിലെ ജനസംഖ്യാ വര്ദ്ധനവ് കുറയാന് ഇടയായി. 1980 മുതലാണ് ഈ പ്രവണത കണ്ടുതുടങ്ങിയത്. അതിന് മുമ്പ് ജനസംഖ്യാ വര്ദ്ധനവ് ഇപ്പോഴത്തേതിനേക്കാള് കൂടുതലായിരുന്നു.