മനോഹര് ജോഷി ലോക്സഭാ സ്പീക്കറാവും
ദില്ലി:ശിവസേന നേതാവും കേന്ദ്ര മന്ത്രിയുമായ മനോഹര് ജോഷി ആയിരിയ്ക്കും ലോക് സഭയുടെ അടുത്ത സ്പീക്കര്.
മേയ് പത്തിനാണ് സ്പീക്കര് തിരഞ്ഞെടുപ്പ് . മേയ് എട്ട് വൈകീട്ട് ദില്ലിയിലെത്തി ജോഷി നാമനിര്ദ്ദേശ പത്രിക സമര്പ്പിയ്ക്കും.
ജോഷിയെ സ്പീക്കറാക്കാനായി തീരുമാനിച്ചശേഷം എന് ഡി എ പ്രതിനിധികള് തെലുങ്ക് ദേശം പാര്ട്ടി നേതാവ് ചന്ദ്രബാബു നായഡുവുമായും പ്രതിപക്ഷ കക്ഷിയായ സമാജ് വാദി പാര്ട്ടി നേതാവ് മുലയം സിംഗുമായും ചര്ച്ച നടത്തിയിരുന്നു.
സമവായത്തിലൂടെ സ്പീക്കറെ തിരഞ്ഞെടുക്കാനായി ബി ജെ പി കഴിഞ്ഞ ദിവസങ്ങളില് ശ്രമങ്ങള് നടത്തുന്നുണ്ടായിരുന്നു. ഇതിനായി പ്രമോദ് മഹാജന് സോണിയാ ഗാന്ധിയെ കണ്ടിരുന്നു. സ്പീക്കര് സ്ഥാനത്തേയ്ക്ക് കോണ്ഗ്രസ് സ്ഥാനാര്ത്ഥിയെ നിറുത്തുന്നത് തള്ളിക്കളയാനാവില്ലെന്ന് സോണിയ വ്യക്തമാക്കിയിരുന്നതിനെ തുടര്ന്നാണ് പ്രമോദ് മഹാജന് സോണിയയെ കണ്ട് ചര്ച്ച നടത്തിയത്.
സ്പീക്കര് സ്ഥാനം ബി ജെ പി യ്ക്കായിരുന്നെങ്കില് വിനോദ സഞ്ചാര മന്ത്രിായ ജഗ് മോഹനെ പാര്ട്ടി ആ സ്ഥാനത്തേയ്ക്ക് നിയോഗിച്ചേനെ.
ബാലയോഗിയുടെ വിയോഗത്തെ തുടര്ന്ന് തെലുങ്കു ദേശം സ്പീക്കര് പദത്തിലേയ്ക്ക് അവകാശവാദം ഉന്നയിക്കാത്തതിനാണ് ഒരാളെ സ്പീക്കര് സ്ഥാനത്തേയ്ക്ക് കണ്ടെത്തേണ്ടി വന്നത്. കഴിഞ്ഞ മാര്ച്ചിലാണ് ഹെലികോപ്റ്റര് അപകടത്തില് ബാലയോഗി മരണമടഞ്ഞത്.