പൂയംകുട്ടിയില് പുതിയ കയ്യേറ്റമില്ല : വനംമന്ത്രി
കൊച്ചി : പൂയംകുട്ടിയില് പുതിയ കയ്യേറ്റം നടന്നിട്ടില്ലെന്ന് വനം മന്ത്രി. എന്നാല് പഴയ കയ്യേറ്റക്കാര് ഭൂമിയ്ക്ക് അര്ഹതയുളളവരാണെന്ന് മന്ത്രി പ്രസ്താവിച്ചു. വനം കയ്യേറ്റം നടന്നിട്ടുണ്ടോയെന്നറിയാന് ചൊവാഴ്ച പൂയംകുട്ടി സന്ദര്ശിച്ച ശേഷം വാര്ത്താ ലേഖകരോട് സംസാരിക്കുകയായിരുന്നു മന്ത്രി സുധാകരന്.
വെളളാരംകുന്ന് ഒഴികെയുളള ഭാഗങ്ങളെല്ലാം വനംഭൂമി അതിരുകെട്ടി വേര്തിരിച്ചിട്ടുണ്ട്. അതിനാല് പുതിയ കയ്യേറ്റം അസാദ്ധ്യമാണെന്ന് മന്ത്രി വാദിച്ചു. 1977ജനവരി ഒന്നിന് സര്ക്കാര് പ്രഖ്യാപിച്ച കണക്കനുസരിച്ച് നോക്കുമ്പോള് പഴയ കയ്യേറ്റക്കാര്ക്ക് ഭൂമിയില് അവകാശമുണ്ട്.
1996ലെ ഭൂമി കയ്യേറിയതിനെക്കുറിച്ചുളള കേസ് കോടതി സ്റേ ചെയ്തിരിക്കുകയാണ്. കയ്യേറ്റക്കാരെ അനുനയിപ്പിച്ച് പ്രശ്നം പരിഹരിയ്ക്കാനാണ് സര്ക്കാര് ശ്രമിക്കുന്നത്. കോടതിയിലെ കേസ് തീര്പ്പാക്കാനും ശ്രമിയ്ക്കുമെന്നും സുധാകരന് അറിയിച്ചു.
പൂയംകുട്ടിയിലെ ആദിവാസി കോളനികളും മന്ത്രി സന്ദര്ശിച്ചു. അടുത്തിടെയൊന്നും വനം കയ്യേറ്റം നടന്നിട്ടില്ലെന്ന് കുഞ്ചിപ്പാറയിലെ കാണിക്കാരും മന്ത്രിയെ അറിയിച്ചു. തങ്ങള്ക്ക് പളളിക്കൂടവും ആശുപത്രിയും അനുവദിക്കണമെന്ന് അവര് മന്ത്രിയോടാവശ്യപ്പെട്ടു.