കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഐബിഎം വാഗ്ദാനം സര്‍ക്കാര്‍ സ്വീകരിക്കുന്നു

  • By Staff
Google Oneindia Malayalam News

തിരുവനന്തപുരം : സോഫ്റ്റ്വെയര്‍ രംഗത്തെ അതികായനായ ഐബിഎമ്മുമായി സംസ്ഥാന സര്‍ക്കാര്‍ ധാരണാപത്രം ഒപ്പുവയ്ക്കുന്നു. എഞ്ചിനീയറിംഗ് കോളെജുകള്‍ക്കു വേണ്ടി ഉയര്‍ന്ന വിദ്യാഭ്യാസ പാക്കേജുകള്‍ സൗജന്യമായി നല്‍കാമെന്ന ഐബിഎം വാഗ്ദാനം ഇതോടെ യാഥര്‍ത്ഥ്യമാകും. മെയ് 16നാണ് ധാരണാപത്രം ഒപ്പുവയ്ക്കുന്നത്. സംസ്ഥാനത്തെ ഏഴ് എഞ്ചിനീയറിംഗ് കോളെജുകളില്‍ ഈ പദ്ധതി നടപ്പാക്കും.

വിദ്യാഭ്യാസ മന്ത്രി നാലകത്തു സൂപ്പിയുടെ നേതൃത്വത്തില്‍ നടന്ന വകുപ്പിലെ ഉന്നത ഉദ്യോഗസ്ഥരുടെ യോഗമാണ് ഇതു സംബന്ധിച്ച് അന്തിമ തീരുമാനമെടുത്തത്. ചാരിറ്റബിള്‍ സൊസൈറ്റി ആക്ട് പ്രകാരം സാങ്കേതിക വിദ്യാഭ്യാസ സൊസൈറ്റി രൂപീകരിക്കാനും യോഗം തീരുമാനിച്ചു.

തിരുവനന്തപുരം എഞ്ചിനീയറിംഗ് കോളെജ്, കൊല്ലം ടികെഎം കോളെജ്, ബാര്‍ട്ടണ്‍ ഹില്‍ എഞ്ചിനീയറിംഗ് കോളെജ് എന്നിവരാണ് ഐബിഎം യുണിവേഴ്സിറ്റി പ്രോഗ്രാം എന്നു പേരിട്ടിരിക്കുന്ന പദ്ധതിയുടെ ആദ്യഘട്ട ഉപഭോക്താക്കള്‍. എംസിഎ, ബി. ടെക് കമ്പ്യൂട്ടര്‍ സയന്‍സ്, ഐടി വിദ്യാര്‍ത്ഥികള്‍ക്ക് ഈ സൗകര്യം പ്രയോജനപ്പെടുത്താം.

കോഴിക്കോട്, തൃശൂര്‍, പാലക്കാട്, ശ്രീകൃഷ്ണപുരം എന്നീ എഞ്ചിനീയറിംഗ് കോളെജുകളാണ് രണ്ടാംഘട്ട പദ്ധതിയുടെ ഉപഭോക്താക്കള്‍.

ഐടി രംഗത്ത് കഴിവുറ്റ ഒരു തലമുറയെ വാര്‍ത്തെടുക്കാനാണ് ഐബിഎം ഈ പദ്ധതി തയ്യാറാക്കിയതെന്ന് കമ്പനിയുമായി ബന്ധപ്പെട്ട കേന്ദ്രങ്ങള്‍ പറഞ്ഞു. വിദ്യാര്‍ത്ഥികള്‍ക്കും അദ്ധ്യാപകര്‍ക്കും മറ്റു സോഫ്റ്റ്വെയറുകള്‍ ഉപയോഗിക്കുന്നതിന് ഈ പദ്ധതി തടസമാവുകയില്ലെന്നും അവര്‍ അറിയിച്ചു.

എഞ്ചിനീയറിംഗ് കോളെജുകള്‍ക്ക് ഈ പദ്ധതി അനുഗ്രഹമാകുമെന്ന് ചൂണ്ടിക്കാണിക്കപ്പെടുന്നു. വളരെ വിലപിടിപ്പുളള സോഫ്റ്റ്വെയറുകളാണ് ഐബിഎം സൗജന്യമായി നല്‍കുന്നത്. അതിസങ്കീര്‍ണമായ ഈ പാക്കേജുകള്‍ വന്‍വില നല്‍കി സ്വന്തമാക്കാന്‍ ഇന്നത്തെ സാഹചര്യത്തില്‍ സര്‍ക്കാരിനോ കോളെജുകള്‍ക്കോ കഴിയില്ല.

വിദ്യാര്‍ത്ഥികള്‍ക്കും പദ്ധതി ഉപയോഗമാകും. ഐബിഎമ്മിന്റെ സര്‍ട്ടിഫിക്കറ്റ് ലഭിക്കുന്നു എന്നതാണ് അവര്‍ക്ക് ലഭിക്കുന്ന ഏറ്റവും വലിയ നേട്ടം. പിന്നീട് ജോലിയ്ക്ക് അപേക്ഷിക്കുമ്പോള്‍ ഇത് അവര്‍ക്ക് ഗുണകരമാകും. ഐബിഎം നേരിട്ടു നടത്തുന്ന പ്രോജക്ടുകളില്‍ പങ്കെടുക്കാന്‍ വിദ്യാര്‍ത്ഥികള്‍ക്ക് അവസരം ലഭ്യമാകും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X