ആദിവാസികള് രണ്ടാം ഘട്ട പ്രക്ഷോഭത്തിലേക്ക്
തിരുവനന്തപുരം: ഒക്ടോബര് 16ന് മുമ്പായി ഭൂമി നഷ്ടപ്പെട്ട എല്ലാം ആദിവാസികള്ക്കും ഭൂമി നല്കിയില്ലെങ്കില് രണ്ടാം ഘട്ട പ്രക്ഷോഭം ഉടന് ആരംഭിക്കുമെന്ന് ആദിവാസി-ദളിത് സമര സമിതി നേതാവ് സി. കെ. ജാനു അറിയിച്ചു.
ഭൂമി കിട്ടുന്നതിന് ആദിവാസികള് ആയുധമെടുത്താല് അതിന്റെ മുഴുവന് ഉത്തരവാദിത്വവും സര്ക്കാരിനായിരിക്കുമെന്ന് ജാനു ഓര്മിപ്പിച്ചു. മെയ് 15 ബുധനാഴ്ച വാര്ത്താ സമ്മേളനത്തില് സംസാരിക്കുകയായിരുന്നു ജാനു.
ആദിവാസികള്ക്ക് ഭൂമി നല്കുമെന്ന ധാരണയില് നിന്ന് സര്ക്കാര് പിന്നാക്കം പോയിരിക്കുകയാണ്. ഇതിന്റെ ഉത്തരവാദിത്വം മുഖ്യമന്ത്രി എ. കെ. ആന്റണിയ്ക്കാണ്.
മതികെട്ടാന് പ്രശ്നം മൂലം ആദിവാസികള്ക്ക് ഭൂമി നല്കുന്നതിനായി രൂപീകരിച്ച മിഷന്റെ പ്രവര്ത്തനം മരവിച്ചു. മതികെട്ടാനിലെ ഭൂമി കൈയേറ്റത്തിന് കൂട്ടുനിന്ന മുഴുവന് ഉദ്യോഗസ്ഥരെയും പ്രോസിക്യൂട്ട് ചെയ്യണം.
വനം മന്ത്രി കെ. സുധാകരനും വനം മാഫിയയും ഹിന്ദു വര്ഗീയ വാദികളും ചേര്ന്ന് ആദിവാസികള്ക്ക് ഭൂമി നല്കുമെന്ന കരാറിനെ അട്ടിമറിക്കാന് ശ്രമിക്കുകയാണ്.
രണ്ടാം ഘട്ട പ്രക്ഷോഭത്തിന് മുന്നോടിയായി ആഗസ്ത് 26ന് വയനാട്ടില് അഭയാര്ഥി ക്യാമ്പ് സ്ഥാപിക്കും. പ്രക്ഷോഭത്തിന്റെ ഭാഗമായി ഒക്ടോബര് 16ന് മുഖ്യമന്ത്രിയുടെ വസതിയിലേക്ക് ആദിവാസി മാര്ച്ച് സംഘടിപ്പിക്കും