ഡിവൈഎഫ്ഐ ഓഫീസില് പൊട്ടിത്തെറി
കുറ്റിപ്പുറം: മാണിയങ്കാട് ഡിവൈഎഫ്ഐ ഓഫീസില് ബുധനാഴ്ച പുലര്ച്ചെ നടന്ന സ്ഫോടനത്തില് മൂന്ന് ബിജെപിക്കാര്ക്ക് പൊള്ളലേറ്റു. ഡിവൈഎഫ്ഐ ഓഫീസ് കത്തിക്കാന് ശ്രമിക്കുന്നതിനിടയിലാണ് ബിജെപിപ്രവര്ത്തകര്ക്ക് പരിക്കേറ്റത്.
പൊള്ളലേറ്റ ബിജെപി പ്രവര്ത്തകരില് ഒരാളായ മാണിയങ്കാട് കളരിക്കല് ഹരിദാസി(32)നെ പിന്നീട് തന്റെ ജ്യേഷ്ഠന്റെ വീടിനകത്ത് തൂങ്ങിമരിച്ച നിലയില് കണ്ടെത്തി.
ബുധനാഴ്ച പുലര്ച്ചെ ഡിവൈഎഫ്ഐ ഓഫീസില് വലിയ പൊട്ടിത്തെറി കേട്ട് അടുത്തുള്ള വീട്ടുകാരെത്തി തീയണച്ചു. നേരം വെളുത്തപ്പോള് ഹരിദാസിനെ അടുത്തുള്ള ജ്യേഷ്ഠന്റെ വീട്ടില് തൂങ്ങിമരിച്ച നിലയില് കണ്ടെത്തി.
സംഭവത്തെക്കുറിച്ച് പൊലീസിന്റെ വിശദീകരണം: ചൊവാഴ്ച രാത്രി ഹരിദാസും ഗിരീഷും ദിനേശും കിടന്നത് ഹരിദാസന്റെ ജ്യേഷ്ഠന്റെ പണിതീരാത്ത വീട്ടിലാണ്. രാത്രി ഒരു മണിയോടെ ഇവര് പെട്രോളുമായി ഡിവൈഎഫ്ഐ ഓഫീസിലേക്ക് പോയി. പൂട്ടുപൊട്ടിച്ച് അകത്തുകടന്ന ഇവര് ഓഫീസിനകത്ത് പെട്രോളൊഴിച്ചു. ചന്ദനത്തിരി കത്തിച്ച് പതുക്കെ തീ കൊടുക്കാനായിരുന്നു ശ്രമം. പക്ഷെ തീപ്പെട്ടിക്കൊള്ളിയുരസിയപ്പോള് തീ ആളി. മൂവരും പുറത്തേക്ക് ഓടി രക്ഷപ്പെട്ടു.
സംഭവം പുറത്താകുമെന്നറിഞ്ഞ ഹരിദാസ് ആദ്യം കത്തികൊണ്ട് സ്വയം കഴുത്തറക്കാന് ശ്രമിച്ചു. അതിന് കഴിയാതെ വന്നപ്പോള് തൂങ്ങിമരിച്ചു. പൊള്ളലേറ്റ ഗിരീഷും ദിനേശനും ആശുപത്രിയിലാണ്. ഡിവൈഎഫ്ഐ ഓഫീസ് കത്തിക്കുകയായിരുന്നു ശ്രമമെന്ന് ഇവര് പൊലീസിന് മൊഴി നല്കി.