40,000 പേര്‍ എന്‍ട്രന്‍സെഴുതി

തിരുവനന്തപുരം : സംസ്ഥാന എഞ്ചിനീയറിംഗ് പ്രവേശനപരീക്ഷ മെയ് 26 ഞായറാഴ്ച തുടങ്ങി. 116 കേന്ദ്രങ്ങളിലായി 40,000 വിദ്യാര്‍ത്ഥികള്‍ പരീക്ഷയെഴുതി.

ഫിസിക്സും കെമിസ്ട്രിയുമായിരുന്നു ഞായറാഴ്ചത്തെ പരീക്ഷ. തിരുവനന്തപുരം ജില്ലയിലാണ് കൂടുതല്‍ പേര്‍ പരീക്ഷയെഴുതിയത്. 9586 പേര്‍. എറണാകുളം രണ്ടാം സ്ഥാനത്താണ്- 7603 കുട്ടികള്‍.

തിരുവനന്തപുരം പട്ടം സെന്റ് മേരീസ് ഹൈസ്കൂളായിരുന്നു ഏറ്റവും വലിയ പരീക്ഷാകേന്ദ്രം- 1896 കുട്ടികള്‍ ഇവിടെ പരീക്ഷയെഴുതാനെത്തി. എഞ്ചിനീയറിംഗ് പരീക്ഷയെഴുതിയവരില്‍ 55 ശതമാനം ആണ്‍കുട്ടികളായിരുന്നു. 45 ശതമാനം പെണ്‍കുട്ടികളുമാണ്.

മെയ് 30,31 തീയതികളല്‍ മെഡിക്കല്‍ പ്രവേശന പരീക്ഷ നടക്കും. ഈ വര്‍ഷം ആകെ 55,321 അപേക്ഷകള്‍ കിട്ടിയിരുന്നു. 276 അപേക്ഷകള്‍ നിരസിക്കപ്പെട്ടു.