അമ്മ ദിലീപിനൊപ്പം: ഇന്നസെന്റ്
തിരുവനന്തപുരം: നടന് ദിലീപിന് വിലക്കേര്പ്പെടുത്താന് നിര്മാതാക്കളുടെയും വിതരണക്കാരുടെയും സംഘടനകളുടെ യോഗത്തില് തീരുമാനമായതോടെ നടന്മാരും നിര്മാതാക്കളും തമ്മിലുള്ള വടംവലി കൂടുതല് രൂക്ഷമാവുന്നു.
സിനിമാ നടന്മാര് ടി വി സീരിയലില് അഭിനയിക്കാന് പാടില്ലെന്ന്ഫിലിം ചേംബര് വിലക്കേര്പ്പെടുത്തിയതിന് പിന്നാലെയാണ് ദിലീപിനോട് മാപ്പ് ആവശ്യപ്പെടാനും പിഴ ഈടാക്കാനും രണ്ട് വര്ഷത്തേക്ക് സിനിമകളില് നിന്ന് വിലക്ക് കല്പിക്കാനും തീരുമാനിച്ചത്. ഈ നീക്കത്തോട് നടന്മാര് ശക്തമായി പ്രതികരിക്കുമെന്നാണ് അറിയുന്നത്. ദിലീപിന് വിലക്കേര്പ്പെടുത്തിയാല് സിനിമികള് ബഹിഷ്കരിക്കാനാണ് നടന്മാരുടെ നീക്കം.
ദിലീപിനെ ഒറ്റപ്പെടുത്താന് അനുവദിക്കില്ലെന്നും അമ്മ ദിലീപിനൊപ്പം നില്ക്കുമെന്നും അമ്മ പ്രസിഡന്റ് ഇന്നസെന്റ ്വ്യക്തമാക്കി. മെയ് 26 ഞായറാഴ്ച ചേര്ന്ന അമ്മയുടെ എക്സിക്യൂട്ടീവ് യോഗത്തില് ദിലീപിന് വിലക്കേര്പ്പെടുത്താനുള്ള നീക്കത്തെ കുറിച്ച് ചര്ച്ച ചെയ്തിരുന്നു.
എക്സിക്യൂട്ടീവ് യോഗത്തില് സിനിമയിലെ പ്രതിസന്ധിയ്ക്ക് പരിഹാരം കാണുന്നതിനുള്ള മാര്ഗങ്ങളെ കുറിച്ച് മാക്ടയുമായി ചര്ച്ച നടത്താന് സിദ്ദിക്കിനെയും ജനാര്ദനനെയും ഏര്പ്പെടുത്തി.