ഗള്ഫിലെ വന്വ്യവസായിക്കും പങ്ക്
തിരുവനന്തപുരം: കേരളത്തിലെ ഇസ്ലാമിക തീവ്രവാദിസംഘടനകള്ക്ക് 336കോടി കടത്തിയ കേസില് ഗള്ഫിലെ വന് വ്യവസായിക്കും പങ്കുണ്ടെന്ന് കേന്ദ്ര ഇന്റലിജന്സ് ബ്യൂറോ കണ്ടെത്തി. പണമിടപാടുമായി കേരളത്തിലെ ചില വ്യവസായികളുള്പ്പെടെ 98 പേര്ക്ക് പങ്കുണ്ടെന്ന് കണ്ടെത്തിയിട്ടുണ്ട്.
ഇവരുടെ പേരുകള് വെളിപ്പെടുത്തിയിട്ടില്ല. മുംബൈയില് നിന്ന് പണം കേരളത്തിലേക്ക് കടത്താന് ഏതാനും ഷെഡ്യൂള്ഡ് ബാങ്കുകളെ സമീപിച്ചത് ഈ വ്യവസായപ്രമുഖന്മാരാണെന്നും അറിയുന്നു.
കേന്ദ്ര ഇന്റലിജന്സ് ബ്യൂറോയുടെ ലിസ്റില് ഉള്പ്പെട്ടവരില് കൂടുതല് പേരും വടക്കന് ജില്ലകളില് നിന്നുള്ളവരാണ്. പ്രത്യേകിച്ചും കോഴിക്കോട്, മലപ്പുറം ജില്ലകളില് നിന്നുള്ളവരാണ്. മതതീവ്രവാദസംഘടനകളുമായി ഇവര്ക്കുള്ള ബന്ധവും തെളിയിക്കപ്പെട്ടിട്ടുണ്ട്. മൂന്നു ഘട്ടങ്ങളിലായി 336 കോടി രൂപ കേരളത്തിലേക്ക് എത്തിയെന്നാണ് പ്രാഥമിക വിവരമെങ്കിലും അതില് കൂടുതല് തുക കേരളത്തിലേക്ക് എത്തിയിട്ടുണ്ടെന്നാണ് അറിയുന്നത്.