കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഏഷ്യാനെറ്റ് വരിസംഖ്യ ഇനി 230 രൂപ

  • By Staff
Google Oneindia Malayalam News

കേരളത്തിലെ പ്രധാന ടെലിവിഷന്‍ കേബിള്‍ ശൃംഖല നടത്തുന്ന ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷന്‍സ് കേബിള്‍ വരിസംഖ്യ കൂട്ടുന്നു. ഇപ്പോഴുള്ള 180 രൂപ 230 ആക്കാനാണ് ഉദ്ദേശിയ്ക്കുന്നത്. ജൂണ്‍ ഒന്നുമുതല്‍ ഇത് പ്രാബല്യത്തില്‍ വരും.

തിരുവനന്തപുരം, കോട്ടയം, തൃശൂര്‍, കോഴിക്കോട് എന്നിവിടങ്ങളിലാണ് ഇത് ആദ്യം നടപ്പാക്കുന്നത്. രണ്ടുമാസത്തിനുള്ളില്‍ മറ്റുകേന്ദ്രങ്ങളിലേയ്ക്കും ഇത് വ്യാപിപ്പിയ്ക്കും.

ഇതിനൊപ്പം കറച്ച് ചാനലുകള്‍ മാത്രമുള്ള മറ്റൊരു പദ്ധതികൂടെ കൊണ്ടുവരാനും ഏഷ്യാനെറ്റ് ഉദ്ദേശിയ്ക്കുന്നു. ഇതിന് 130 രൂപയായിരിയ്ക്കും വരിസംഖ്യ. അതില്‍ പേചാനലുകള്‍ ഉണ്ടാവാനും സാദ്ധ്യതയില്ല. ഉണ്ടെങ്കില്‍ തന്നെ അതിന്റ എണ്ണം കുറവായിരിയ്ക്കും.

1993 ല്‍ തുടങ്ങിയശേഷം ഇതാദ്യമായാണ് ഏഷ്യാനെറ്റ് വരിസംഖ്യ കൂട്ടുന്നത്. പൂനെയിലും മറ്റും 400 രൂപവരെയാണ് കേബിള്‍ കമ്പനികള്‍ വരിസംഖ്യയായി ഈടാക്കുന്നത്.

ഇപ്പോള്‍ കേബിള്‍ വഴി ഇന്റര്‍നെറ്റും ഈ ഏഷ്യാനെറ്റ് നല്‍കുന്നുണ്ട്. കേരളത്തില്‍ ഓപ്ടിക്കല്‍ ഫൈബര്‍ കേബിള്‍ ഇടുന്നതിനായി സര്‍ക്കാരിന്റെ അംഗീകാരം നേടിയ കമ്പനികളില്‍ ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷന്‍സും ഉള്‍പ്പെടുന്നു.

മുംബൈ ആസ്ഥാനമായി പ്രവര്‍ത്തിയ്ക്കുന്ന ഹാത്ത്വേ ഗ്രൂപ്പിന്റെ ഉടമസ്ഥതയിലുള്ളതാണ് ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷന്‍ എന്ന കമ്പനി. ഈ കമ്പനിയ്ക്ക് ഇപ്പോള്‍ ഏഷ്യാനെറ്റ് എന്ന മലയാളം ചാനലുമായി യാതൊരു ബന്ധവുമില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X