ബിജു വര്ക്കിയ്ക്കും രണ്ടു വര്ഷത്തേയ്ക്ക് വിലക്ക്
കൊച്ചി : ഫാന്റം എന്ന മമ്മൂട്ടി ചിത്രത്തിന്റെ സംവിധായകന് ബിജു വര്ക്കിയ്ക്കും വിലക്ക്.
ഫാന്റത്തിന്റെ നിര്മ്മാതാവ് ഡോ. ശശിധരന് നായരോട് അപമര്യാദയായി പെരുമാറിയെന്ന് ആരോപിച്ചാണ് ബിജുവിന് രണ്ടു വര്ഷത്തേയ്ക്ക് വിലക്കേര്പ്പെടുത്താന് സിനിമാ നിര്മ്മാതാക്കളുടെയും വിതരണക്കാരുടെയും സംഘടനകള് തീരുമാനിച്ചത്.
ഫാന്റത്തിന്റെ നിര്മ്മാതാവ് ഡോ. സുധാകരന് നായരോട് അപമര്യാദയായി പെരുമാറിയെന്ന് ആരോപിച്ചാണ് ബിജുവിന് രണ്ടു വര്ഷത്തേയ്ക്ക് വിലക്കേര്പ്പെടുത്താന് സിനിമാ നിര്മ്മാതാക്കളുടെയും വിതരണക്കാരുടെയും സംഘടനകള് തീരുമാനിച്ചത്.
ഡോ. സുധാകരന് നായരുടെ പരാതിയുടെ അടിസ്ഥാനത്തിലാണ് കൊച്ചിയില് ചേര്ന്ന പ്രൊഡ്യൂസേഴ്സ് അസോസിയേഷന് തീരുമാനിച്ചത്.
ആറു മാസത്തേയ്ക്ക് മലയാളത്തില് ഒരു നിര്മ്മാതാവും ആന്റണി ഇരിങ്ങാലക്കുടയെ നിര്മ്മാണത്തില് സഹകരിപ്പിയ്ക്കരുതെന്നതാണ് രഹസ്യ സര്ക്കുലറിലെ ആദ്യ നിര്ദ്ദേശം.
റോഷന് ചിറ്റൂരിനെ ഇനി ഒരിക്കലും മലയാള സിനിമയുമായി സഹകരിപ്പിക്കരുതെന്ന് അടുത്ത നിര്ദ്ദേശം. ചിത്രത്തിന്റെ സംവിധായകന് ബിജു വര്ക്കിയെ രണ്ടു വര്ഷത്തേയ്ക്ക് ഒരു നിര്മ്മാതാവും ഒരു മലയാള ചിത്രവുമായും സഹകരിപ്പിയ്ക്കരുതെന്നാണ് മൂന്നാം നിര്ദ്ദേശം.
ഈ നിര്ദ്ദേശത്തെ തുടര്ന്ന് സിബി മലയില് സംവിധാനം ചെയ്യുന്ന മിന്നല് എന്ന ചിത്രത്തിന്റെ പ്രൊഡക്ഷന് എക്സിക്യൂട്ടീവ് സ്ഥാനത്തു നിന്നും ആന്റണിയെ ഒഴിവാക്കി. ബിജു വര്ക്കിയ്ക്ക് നിരോധനം ഏര്പ്പെടുത്തിയതിന് തൊട്ടു പിന്നാലെയാണ് ദിലീപിനെതിരെ വണ്ടിച്ചെക്കു കേസില് നടപടിയുണ്ടായത്.