പൊതുമേഖലാ സ്ഥാപനങ്ങളിലും ഇനി ലീവ് സറണ്ടറില്ല
തിരുവന്തപുരം: സര്ക്കാര് സഹായം നല്കുന്ന എല്ലാ സ്ഥാപനങ്ങളിലെയും ജീവനക്കാരുടെ ലീവ് സറണ്ടര് ആനുകൂല്യം നിര്ത്തലാക്കാന് മന്ത്രിസഭാ യോഗം തീരുമാനിച്ചു.
കെ എസ് ഇ ബി, കെ എസ് ആര് ടി സി തുടങ്ങിയ പൊതുമേഖലാ സ്ഥാപനങ്ങളിലെയും സ്വയംഭരണ സ്ഥാപനങ്ങളിലെയും ജീവനക്കാരുടെ ലീവ് സറണ്ടര് ആനുകൂല്യം നീക്കും. മെയ് 29 ബുധനാഴ്ച ചേര്ന്ന മന്ത്രിസഭാ യോഗത്തിന് ശേഷം മുഖ്യമന്ത്രിയാണ് ഇത് വാര്ത്താ ലേഖകരെ അറിയിച്ചത്.
ജൂണ് 15 മുതല് ട്രോളിംഗ് നിരോധനം ഏര്പ്പെടുത്തും. അടുത്ത നിയമസഭാ സമ്മേളനത്തില് ചുമട്ടു തൊഴിലാളി നിയമം ഭേദഗതി ചെയ്യും.
രാഷ്ട്രീയ നേതാക്കള് ഉദ്യോഗസ്ഥരെ ഉപയോഗിച്ച് പിരിവ് നടത്തുന്നതിനെതിരെ കര്ശന നടപടി സ്വീകരിക്കും.
നിയമസഭാ നടപടികളെ കുറിച്ച് തീരുമാനമെടുക്കാനുള്ള അധികാരം പൂര്ണമായും സ്പീക്കര്ക്കാണെന്ന് പറഞ്ഞ മുഖ്യമന്ത്രി കാര്യങ്ങള് സുതാര്യമായി മുന്നോട്ടുകൊണ്ടുപോവുന്നതാണ് നല്ലതെന്ന് നിര്ദേശിച്ചു.