മഹാരാഷ്ട്രയില് ദേശ്മുഖ് സര്ക്കാരിന് ജയം
മുംബൈ: മഹാരാഷ്ട്രയില് ദേശ്മുഖ് സര്ക്കാരിനെ മറച്ചിടാനുള്ള ശിവസേന-ബിജെപി സഖ്യത്തിന്റെ ശ്രമം പൊളിഞ്ഞു. ജൂണ് 13 വ്യാഴാഴ്ച നടന്ന വിശ്വാസവോട്ടെടുപ്പില് എന്സിപി നേതൃത്വത്തിലുള്ള സര്ക്കാര് 10 വോട്ടിന് വിജയിച്ചു.
വോട്ടെടുപ്പിന് മുമ്പ് ദേശ്മുഖ് സര്ക്കാരിന് പിന്തുണ പിന്വലിച്ച ഏഴ് എംഎല്എമാരെ സ്പീക്കര് അരുണ് ഗുജറാത്തി അയോഗ്യരായി പ്രഖ്യാപിച്ചു. വിശ്വാസവോട്ടെടുപ്പില് സര്ക്കാര് മുന്നണി 143 വോട്ടുകള് നേടി. സേനാ-ബിജെപി സഖ്യത്തിന് 133 വോട്ടുകളേ ലഭിച്ചുള്ളൂ.
സര്ക്കാരിന് പിന്തുണ പ്രഖ്യാപിച്ച അഞ്ച് എന്സിപി എംഎല്എമാരെയും ഒരു ജനതാദള്(എസ്)എംഎല്എയെയും നാമനിര്ദേശം ചെയ്യപ്പെട്ട ഒരു എംഎല്എയെയും ആണ് സ്പീക്കര് അയോഗ്യരായി പ്രഖ്യാപിച്ചത്. ഇവര്ക്ക് വിശ്വാസവോട്ടെടുപ്പില് പങ്കെടുക്കാന് കഴിഞ്ഞില്ല.
വിശ്വാസവോട്ടെടുപ്പ് വിജയിച്ചതോടെ മഹാരാഷ്ട്രയില് വിവിധ പ്രദേശങ്ങളില് ശിവസേന-ബിജെപി പ്രവര്ത്തകര് അക്രമാസക്തരായി. പൊലീസിന് പലയിടങ്ങളിലും ലാത്തിച്ചാര്ജ്ജ് നടത്തേണ്ടി വന്നു. സ്ഥിതിഗതികള് ഇപ്പോള് നിയന്ത്രണാധീനമാണ്.