ഇസ്രയേല് പട്ടാളം റമള്ളയില്
ജെറുസലെം: ഇസ്രയേല് ടാങ്കുകള് പലസ്തീന് പ്രദേശങ്ങള് കയ്യടക്കി. ജൂണ് 20 വ്യാഴാഴ്ചയാണ് ആയുധധാരികളായ സൈനികരുടെ അകമ്പടിയോടെ ബത്ലഹേമിലും പലസ്തീന് പ്രസിഡന്റ് അരാഫത്തിന്റെ ഔദ്യോഗിക വസതി നിലകൊള്ളുന്ന റമള്ളയിലും പാഞ്ഞുകയറിയത്.
കഴിഞ്ഞദിവസം പലസ്തീന് തീവ്രവാദികള് ഇസ്രയേലില് നടത്തിയ ബോംബുസ്ഫോടനങ്ങളില് പ്രതിഷേധിച്ചാണ് ഇസ്രയേലിന്റെ ഈ നീക്കം. ഒട്ടേറെ പലസ്തീന് പ്രദേശങ്ങളുടെ നിയന്ത്രണം ഇസ്രയേല് സേന എറ്റെടുത്തിരിക്കുകയാണ്. മധ്യപൂര്വേഷ്യയില് സമാധാനം പുനസ്ഥാപിക്കാനുള്ള അമേരിക്കന് പ്രസിഡന്റ് ജോര്ജ്ജ് ബുഷിന്റെ ശ്രമങ്ങള്ക്ക് കനത്ത തിരിച്ചടിയാണ് ഇസ്രയേലിന്റെ ഈ നീക്കം.
60ഓളം ടാങ്കുകളുടെ സഹായത്തോടെയാണ് സൈന്യം ബത്ലഹേമില് ഇരച്ചുകയറിയത്. 20 ടാങ്കുകള് റമള്ളയിലും എത്തിയിട്ടുണ്ട്.
Click it and Unblock the Notifications
Sign in with Google