ബേനസീറിനും ഷെറീഫിനും മടങ്ങിവരാം
ഇസ്ലാമബാദ്: മുന് പ്രധാനമന്ത്രിമാരായ ബേനസീര് ഭൂട്ടോയ്ക്കും നവാസ് ഷെറീഫിനും പാകിസ്ഥാനിലേക്ക് മടങ്ങിവരാവുന്നതാണെന്ന് പാകിസ്ഥാന് ഇന്ഫര്മേഷന് മന്ത്രി നിസാര് മേമന് പറഞ്ഞു. ജൂണ് 23 ഞായറാഴ്ചയാണ് അദ്ദേഹം ഇക്കാര്യം പറഞ്ഞത്.
സ്ഥാനഭ്രഷ്ടരാക്കപ്പെട്ട ഈ രണ്ട് മുന്പ്രധാനമന്ത്രിമാരും പാക് പൗരന്മാരാണ്. അവര്ക്ക് പാകിസ്ഥാനിലേക്ക് മടങ്ങിവരാനുള്ള അധികാരമുണ്ട്. - അദ്ദേഹം പറഞ്ഞു.
ബേനസീറിനെയും ഷെറീഫിനെയും ആരും തടയില്ല. പക്ഷെ മടങ്ങിവന്നാല് അനുഭവിക്കേണ്ടിവരുന്ന വിഷമതകളെക്കുറിച്ച് അവര് ബോധവാന്മാരായിരിക്കണമെന്നു മാത്രം. - മേമന് പറഞ്ഞു.
മേമന്റെ ഈ പ്രസ്താവന ഉയര്ന്ന നേതാക്കളെയെല്ലാം ഞെട്ടിച്ചിരിക്കുകയാണ്.
Click it and Unblock the Notifications
Sign in with Google