കടലാക്രമണം: വിദേശ ഏജന്സികള് പഠിക്കും
തിരുവനന്തപുരം: കേരളത്തിലെ കടലാക്രമണത്തിന്റെ പ്രത്യേകതകളെക്കുറിച്ച് മൂന്ന് വിദേശ ഏജന്സികള് പഠനം നടത്തിവരികയാണെന്ന് ജലസേചനമന്ത്രി ടി. എം. ജേക്കബ്. ജൂണ് 27 വ്യാഴാഴ്ച നിയമസഭയില് സബ്മിഷന് മറുപടി പറയുകയായിരുന്നു മന്ത്രി.
ആധുനിക സാങ്കേതികവിദ്യ ഉപയോഗിച്ച് ഈ മൂന്ന് ഏജന്സികളും ഇക്കാര്യം വിശദമായി പഠിക്കും. കടലാക്രമണത്തിന്റെ സ്വഭാവം, അത് ഒരു കിലോമീറ്ററിനുള്ളില് തടഞ്ഞുനിര്ത്താനുള്ള മാര്ം എന്നിവയെക്കുറിച്ച് ഏജന്സികള് റിപ്പോര്ട്ട് നല്കും. സംസ്ഥാനത്തെ തീരപ്രദേശത്തെ മൂന്നു മേഖലകളായി തിരിച്ചാണ് പഠനം. - ജേക്കബ് പറഞ്ഞു.
എറണാകുളത്തെ ചെല്ലാനത്തുള്ള ചില പ്രദേശത്ത് കടല്ഭിത്തി കെട്ടാന് 30 ലക്ഷം നല്കിയിട്ടുണ്ട്. കടലാക്രമണത്തെ പ്രതിരോധിക്കാന് മണല്ചാക്കുകള് നിരത്താനും നിര്ദേശം നല്കിയിട്ടുണ്ട്. - ജേക്കബ് വ്യക്തമാക്കി.
Click it and Unblock the Notifications
Sign in with Google