ദേശീയഗാനം പാടിയില്ലെങ്കില്‍ നടപടി

തിരുവനന്തപുരം : ദേശീയ ഗാനം പാടാത്ത സ്ക്കൂളുകള്‍ക്കെതിരെ നടപടിയെടുക്കുമെന്ന് വിദ്യാഭ്യസ മന്ത്രി.

ഇത്തരം സ്ക്കൂളുകള്‍ സംസ്ഥാനത്തുളളതായി വിവരം കിട്ടിയിട്ടുണ്ടെന്ന് മന്ത്രി നാലകത്തു സൂപ്പി നിയമസഭയില്‍ അറിയിച്ചു. എത്രയും വേഗം ഈ സ്ക്കൂളുകള്‍ തെറ്റു തിരുത്തണം. ഇല്ലെങ്കില്‍ ശക്തമായ നടപടിയുണ്ടാകുമെന്ന് മന്ത്രി മുന്നറിയിപ്പു നല്‍കി.

സ്ക്കൂളുകളില്‍ ദേശീയ ഗാനം പാടുന്നതിനു പുറമെ ദേശീയ നേതാക്കളുടെ ചിത്രം പ്രദര്‍ശിപ്പിക്കുകയും വേണം. എല്ലാ സ്ക്കൂളുകളും ഈ നിബന്ധന പാലിക്കണമെന്ന് മന്ത്രി ആവശ്യപ്പെട്ടു.