അവിവാഹിത ഇണകള്‍ക്ക് അടി, തടവ്

ദുബായ്: വിവാഹം കഴിയ്ക്കാതെ, നിയമവിരുദ്ധമായി ഒന്നിച്ചുകഴിഞ്ഞ കുറ്റത്തിന് ഇണകള്‍ക്ക് രണ്ടു മാസത്തെ തടവും 70 അടിയും. ദുബായിലെ ഇസ്ലാമിക കോടതിയാണ് ഇന്ത്യക്കാരനായ യുവാവിനും ബംഗ്ലാദേശുകാരിയായ യുവതിയ്ക്കും ഈ ശിക്ഷ വിധിച്ചത്.

കുറെക്കാലമായി ഒരു ഫ്ലാറ്റില്‍ ഇരുവരും ഒന്നിച്ചു കഴിഞ്ഞുവരികയായിരുന്നു. ഒരു അയല്‍ക്കാരനാണ് പൊലീസില്‍ പരാതി നല്കിയത്. പൊലീസ് ഇരുവരെയും അറസ്റുചെയ്തു. അന്വേഷണത്തില്‍ ഇരുവരും വിവാഹിതരല്ലെന്നും തെളിഞ്ഞു.

അനധികൃതമായി ഒന്നിച്ചുകഴിയുന്നവര്‍ക്ക് കടുത്ത ശിക്ഷ നല്കാനാണ് യുഎഇയിലെ ശരിയത്ത് കോടതിയുടെ തീരുമാനം.