അമേരിക്കന് ബാങ്ക് ബാംഗ്ലൂരില്
ബാംഗ്ലൂര്: അമേരിക്കന് എക്സ്പ്രസ് ബാങ്ക് ബാംഗ്ലൂരില് ശാഖ തുറന്നു. ബാങ്കിന്റെ ഇന്ത്യയിലെ അഞ്ചാമത്തെ ശാഖയാണിത്.
ബാങ്കിന്റെ ഏറ്റവുമൊടുവിലത്തെ ശാഖ തുറന്നത് 1992ലാണ്- ചെന്നൈയില്. ബാംഗ്ലൂരില് ബാങ്ക് നേരത്തെ ട്രാവലേഴ്സ് ചെക്കും കോര്പ്പറേറ്റ് കാര്ഡുകളും വായ്പകളും നല്കിവന്നിരുന്നു. പക്ഷെ ഇപ്പോള് മുഴുവന് ബാങ്ക് സേവനങ്ങളും നല്കാവുന്ന സമ്പൂര്ണ്ണശാഖയാണ് തുറന്നിരിക്കുന്നത്.
ഇന്ഫോസിസ് സിഇഒ നന്ദന് നിലകേനിയാണ് ശാഖയുടെ ഉദ്ഘാടനം നിര്വഹിച്ചത്. ഈ വര്ഷത്തെ ആദ്യ ആറുമാസത്തില് അമേരിക്കന് എക്സ്പ്രസ് കമ്പനി കഴിഞ്ഞവര്ഷം ഇതേ കാലയളവിനേക്കാള് 25 മുതല് 30 ശതമാനം വരെ വളര്ച്ച കൈവരിച്ചതായി ബാങ്കിന്റെ ഇന്ത്യയിലെ വൈസ് പ്രസിഡന്റ് മുരളീധര പറഞ്ഞു.
Click it and Unblock the Notifications
Sign in with Google