കാര്യങ്ങൾ അതിവേഗം അറിയാൻ
For Daily Alerts
അനില്കുമാര് യൂത്ത് കോണ്ഗ്രസ് പ്രസിഡന്റ്
ദില്ലി: കേരളത്തിലെ കോണ്ഗ്രസ് പോഷക സംഘടനകളുടെ ഭാരവാഹികളെ എ ഐ സി സി പ്രഖ്യാപിച്ചു. വിവിധ ഗ്രൂപ്പുകളുടെ താത്പര്യം സംരക്ഷിക്കും വിധമാണ് ഭാരവാഹി നിയമനം.
യൂത്ത് കോണ്ഗ്രസ് പ്രസിഡന്റായി കെ. പി. അനില്കുമാറിനെയും മഹിളാ കോണ്ഗ്രസ് പ്രസിഡന്റായി ഷാനിമോള് ഉസ്മാനെയും കെ എസ് യു പ്രസിഡന്റായി പി. സി. വിഷ്ണുനാഥിനെയുമാണ് നിയമിച്ചത്. അനില്കുമാര് മൂന്നാം ഗ്രൂപ്പും ഷാനിമോള് ഐ ഗ്രൂപ്പും വിഷ്ണുനാഥ് എ ഗ്രൂപ്പുമാണ്.
വി. കെ. ശ്രീകണ്ഠനെ യൂത്ത് കോണ്ഗ്രസ് അഖിലേന്ത്യാ ജനറല് സെക്രട്ടറിയായും നിയമിച്ചു. എ ഗ്രൂപ്പുകാരനാണ് ശ്രീകണ്ഠന്.
പത്ത്വര്ഷത്തോളം കെ എസ് യു പ്രസിഡന്റായിരുന്നു അനില്കുമാര്. ഷാനിമോള് ആലപ്പുഴ നഗരസഭാ ചെയര്പേഴ്സണാണ്. കേരള സര്വകലാശാലാ സെനറ്റ് അംഗമാണ് വിഷ്ണുനാഥ്.
Comments
Story first published: Sunday, July 14, 2002, 5:30 [IST]