കേരളത്തില്‍ 13 മതതീവ്രവാദസംഘങ്ങള്‍

തിരുവനന്തപുരം: കേരളത്തില്‍ 13 മതമൗലികവാദ സംഘടനകള്‍ പ്രവര്‍ത്തിച്ചുവരുന്നതായി മുഖ്യമന്ത്രി എ.കെ. ആന്റണി ജൂലായ് 23 ചൊവാഴ്ച നിയമസഭയില്‍ പറഞ്ഞു.

ഇതില്‍ സംഘ്പരിവാറും ഉള്‍പ്പെടുന്നു. എട്ട് ഇസ്ലാമിക തീവ്രവാദസംഘടനകളും കേരളത്തില്‍ പ്രവര്‍ത്തിക്കുന്നുണ്ട്. - മുഖ്യമന്ത്രി പറഞ്ഞു.

ജം ഇയ്യത്തുല്‍ ഇഫ്സാനിയ, ഇസ്ലാമിക് ദാവാ മൂവ്മെന്റ്, നാഷണല്‍ ഡവലപ്മെന്റ് ഫ്രണ്ട്(എന്‍ഡിഎഫ്), മജ്ലിസ് തുര്‍ബിയതുള്‍ മുസ്ലിമീന്‍, ഇസ്ലാം സാംസ്കാരിക സമിതി, ജമാത്ത്-എ-ഇസ്ലാമിയ-ഹിന്ദ്, മുസ്ലിം ഐക്യവേദി, ഹിന്ദു ഐക്യവേദി, വിഎച്ച്പി, ആര്‍എസ്എസ്, ശിവസേന, ബജ്രംഗ്ദള്‍, ഇസ്ലാമിക് പ്രൊപ്പഗേഷന്‍ കൗണ്‍സില്‍ എന്നീ സംഘടനകളാണ് കേരളത്തില്‍ പ്രവര്‍ത്തിക്കുന്ന 13 തീവ്രവാദിസംഘടനകളെന്ന് മുഖ്യമന്ത്രി വ്യക്തമാക്കി.