കൊല്ലം-കോവളം കനാല് ഗതാഗത യോഗ്യമാക്കും
തിരുവനന്തപുരം: കൊല്ലം-കോവളം കനാല് ഗതാഗത യോഗ്യമാക്കുമെന്ന് ജലസേചനമന്ത്രി ടി. എം. ജേക്കബ് നിയമസഭയെ അറിയിച്ചു.
വര്ക്കല കഹാറി (കോണ്ഗ്രസ്) ന്റെ ശ്രദ്ധ ക്ഷണിക്കല് പ്രമേയത്തിന് മറുപടി പറയുകയായിരുന്നു മന്ത്രി.
കൊല്ലം-കോവളം കനാല് ഗതാഗത യോഗ്യമാക്കേണ്ടത് വിനോദസഞ്ചാര, വ്യവസായ മേഖലകളെ സംബന്ധിച്ച് പ്രധാനമാണെന്ന് മന്ത്രി പറഞ്ഞു. നിര്മാണ പ്രവര്ത്തനത്തിലെ അത്ഭുതമായി കണക്കാക്കപ്പെടുന്ന 722 മീറ്റര് നീളമുള്ള വര്ക്കല തുരങ്കം ഇപ്പോഴും ഒരു വിനോദസഞ്ചാരികളെ ആകര്ഷിക്കുന്നു. രാജഭരണ കാലത്താണ് ഈ തുരങ്കം പണിതത്.
രണ്ട് ഘട്ടങ്ങളിലായാണ് കനാല് ഗതാഗത യോഗ്യമാക്കാനുള്ള പ്രവര്ത്തനങ്ങള് നടത്തുന്നത്. 36 കോടിയാണ് ചെലവ് കണക്കാക്കിയിരിക്കുന്നത്. ആദ്യഘട്ടത്തില് നാടയാര് മുതല് ചിലക്കൂര് വരെ കനാല് ഗതാഗത യോഗ്യമാക്കും. വര്ക്കലയിലേക്കും ശിവഗിരി മഠത്തിലേക്കും പോകുന്നവര്ക്ക് ഇത് കൂടുതല് സൗകര്യപ്രദമാകും.