കലാമിന് മലയാളി സെക്രട്ടറി

ദില്ലി: പുതിയ രാഷ്ട്രപതി ഡോ. എ.പി.ജെ. അബ്ദുള്‍ കലാമിന്റെ സെക്രട്ടറി മലയാളിയായിരിക്കും. ഇടപ്പള്ളി സ്വദേശി പി. മാധവന്‍നായര്‍.

മാധവന്‍നായര്‍ ഇപ്പോള്‍ പ്രതിരോധ ഉല്പാദനവകുപ്പ് സെക്രട്ടറിയാണ്. അരുണാചല്‍-മിസോറാം-ഗോവ കേഡറിലെ 1967 ബാച്ച് ഉദ്യോഗസ്ഥനാണ് മാധവന്‍ നായര്‍.

കലാമുമായി നേരത്തെയുണ്ടായിരുന്ന അടുപ്പമാണ് ഇപ്പോഴത്തെ നിയമനത്തിന് കാരണമായത്. കലാം നേരത്തെ പ്രതിരോധ ഗവേഷണ വികസന വകുപ്പിന്റെ തലവനായിരുന്ന കാലത്ത് മാധവന്‍നായര്‍ അതേ വകുപ്പില്‍ അഡീഷണല്‍ സെക്രട്ടറിയായിരുന്നു.

മറ്റ് രണ്ട് ഉദ്യോഗസ്ഥരെ ഈ സ്ഥാനത്തേക്ക് സര്‍ക്കാര്‍ നിര്‍ദേശിച്ചപ്പോള്‍ ഡോ. കലാം തന്റെ സെക്രട്ടറിയായി മാധവന്‍നായരെ മതിയെന്ന് നിര്‍ബന്ധിച്ചു. ജൂലായ് ഒന്നിന് മാധവന്‍നായര്‍ ചുമതലയേറ്റു.