പീഡനകേസ്: ഡി ഐ ജി അന്വേഷണം ഏറ്റെടുത്തു

കോഴിക്കോട്: മെഡിക്കല്‍ കോളജിലെ ലൈംഗിക പീഡന കേസിനെ കുറിച്ചുള്ള അന്വേഷണത്തിന്റെ ചുമതലയില്‍ നിന്ന ്സിറ്റി പൊലീസ് കമ്മിഷണര്‍ സഞ്ജീവ് പട്ജോഷിയെ മാറ്റി.

ഉത്തരമേഖലാ ഡി ഐ ജി എന്‍. ശങ്കര്‍ റെഢി അന്വേഷണത്തിന്റെ മേല്‍നോട്ടം നേരിട്ട് ഏറ്റെടുത്തിരിക്കുകയാണ്. അന്വേഷണ സംബന്ധമായ എല്ലാ രേഖകളും പരിശോധിച്ച ഡി ഐ ജി മെഡിക്കല്‍ കോളജ് സി ഐ സൈമണില്‍ നിന്ന് വിവരങ്ങള്‍ ശേഖരിച്ചു.

അന്വേഷണത്തിന്റേ മേല്‍നോട്ടത്തില്‍ നിന്ന് സഞ്ജീവ് പട്ജോഷിയെ മാറ്റിയതിനെതിരെ ആക്ഷേപമുയര്‍ന്നിട്ടുണ്ട്. കമ്മിഷണര്‍ അമിതമായ താത്പര്യം കേസില്‍ കാണിച്ചെന്നും ഡി എന്‍ എ ടെസ്റ് ഫലം വരും മുമ്പ് ലൈംഗിക പീഡനം നടന്നിട്ടുണ്ടെന്ന് പറഞ്ഞെന്നും പൊലീസിലെ ഉന്നതതലത്തില്‍ വിമര്‍ശനമുയര്‍ന്നിരുന്നു.

അതേ സമയം കേസന്വേഷണം ഏതാണ്ട് പൂര്‍ത്തിയായിരിക്കെ സഞ്ജയ് പട്ജോഷിയെ മാറ്റിയതിന് പിന്നില്‍ രാഷ്ട്രീയ കളിയുണ്ടെന്നാണ് ആരോപണം.