പാ ത്രിയാക്കീസ് ബാവയ്ക്ക് വിലക്ക്

കൊച്ചി : മലങ്കര യാക്കോബായ സഭയുടെ കത്തോലിക്കയായോ ബിഷപ്പായോ പ്രവര്‍ത്തിക്കുന്നതില്‍ നിന്നും പാര്‍ത്രിയാക്കീസ് നേതാവ് ബിഷപ്പ് തോമസ് മാര്‍ ദിവന്നിയാസീസിനെ കോടതി താല്‍ക്കാലികമായി വിലക്കി.

കൊച്ചി, അങ്കമാലി, കണ്ടനാട് രൂപതകളുടെ കീഴിലുളള ഒരു പളളികളിലും ഈ അധികാരമുപയോഗിച്ച് പ്രവേശിക്കരുതെന്നും കോടതി ദിവന്നിയാസീസിനെ വിലക്കിയിട്ടുണ്ട്.

എറണാകുളം അഡീഷണല്‍ ജില്ലാ ജഡ്ജി എ. ഹരിപ്രസാദാണ് ഒരു ഹര്‍ജി പരിഗണിക്കവെ ഈ താല്‍ക്കാലിക വിധി പ്രസ്താവിച്ചത്. ചെങ്ങന്നുര്‍ രൂപതയിലെ തോമസ് മാര്‍ അത്തനാസീസ് മെത്രാപ്പൊലീത്തയും കത്തോലിക്ക പക്ഷത്തെ മറ്റു രണ്ടു പേരുമാണ് കോടതിയെ സമീപിച്ചത്.

സുപ്രീം കോടതി വിധി പ്രകാരം തോമസ് മാര്‍ ദിവന്നിയാസീസിന് മേല്‍ പറഞ്ഞ പദവികള്‍ സ്വീകരിക്കാന്‍ അനുവാദമില്ലെന്ന് ഹര്‍ജിക്കാര്‍ ചൂണ്ടിക്കാട്ടി.