കയറ്റിറക്ക് ബില്ലിന് യോഗത്തിന്റെ പിന്തുണ

കൊല്ലം : പുതിയ കയറ്റിറക്ക് ബില്ലിനെ എസ്എന്‍ഡിപി യോഗം സ്വാഗതം ചെയ്യുന്നു.

കേരളത്തില്‍ പുതിയ തൊഴില്‍ സംസ്ക്കാരം വളര്‍ത്താല്‍ ബില്‍ വഴിയൊരുക്കുമെന്ന് യോഗം ഡയറക്ടര്‍ ബോര്‍ഡ് പാസാക്കിയ പ്രമേയം പ്രത്യാശ പ്രകടിപ്പിച്ചു.

പുതിയ നിക്ഷേപരെ ആകര്‍ഷിച്ചാലേ തൊഴിലില്ലായ്മ പരിഹരിക്കാനാവുവെന്ന് യോഗം ജനറല്‍ സെക്രട്ടറി വെളളാപ്പളളി നടേശന്‍ പ്രസ്താവനയില്‍ ചൂണ്ടിക്കാട്ടി. വ്യവസായാന്തരീക്ഷം മെച്ചപ്പെട്ടില്ലെങ്കില്‍ നിക്ഷേപകരുമില്ല, തൊഴിലുമില്ല എന്ന അവസ്ഥയാകും.

ബില്ലില്‍ തൊഴിലാളികള്‍ക്ക് എതിര്‍പ്പുളള ഭാഗങ്ങള്‍ നീക്കം ചെയ്യണമെന്നും വെളളാപ്പളളി ആവശ്യപ്പെട്ടു.

പിന്നാക്ക വിഭാഗങ്ങള്‍ക്ക് മതിയായ പ്രാതിനിധ്യമുറപ്പു വരുത്താന്‍ സ്പെഷ്യല്‍ റിക്രൂട്ട്മെന്റ് നടത്തണമെന്ന് മറ്റൊരു പ്രമേയത്തില്‍ യോഗം സര്‍ക്കാരിനോട് ആവശ്യപ്പെട്ടു.

പ്ലസ് ടു പ്രവേശനത്തില്‍ 25 ശതമാനം സീറ്റുകള്‍ പിന്നാക്ക വിഭാഗങ്ങള്‍ക്കായി നീക്കിവയ്ക്കുക, കുമരകം ബോട്ടപകടത്തില്‍ കൊല്ലപ്പെട്ടവരുടെ കുടുംബത്തില്‍ ഒരാള്‍ക്കെങ്കിലും ജോലി നല്‍കുക തുടങ്ങിയ ആവശ്യങ്ങളും യോഗം ഉന്നയിച്ചു.