ഗുജറാത്തില്‍ തിരഞ്ഞെടുപ്പ് നേരത്തെയില്ല

ദില്ലി: ഗുജറാത്തില്‍ തിരഞ്ഞെടുപ്പ് നടത്താനുള്ള അന്തരീക്ഷമല്ല ഇപ്പോഴുള്ളതെന്ന് കേന്ദ്ര തിരഞ്ഞെടുപ്പ് കമ്മീഷണര്‍ ലിംഗ്ദോ. ആഗസ്ത് 16 വെള്ളിയാഴ്ചയാണ് അദ്ദേഹം ഇക്കാര്യം അറിയിച്ചത്.

തിരഞ്ഞെടുപ്പ് നവമ്പര്‍-ഡിസംബര്‍ മാസങ്ങളിലേ നടത്താന്‍ കഴിയൂ. നേരത്തെ തിരഞ്ഞെടുപ്പ് നടത്തുന്ന പ്രശ്നമുദിക്കുന്നില്ല. അതിന് പറ്റിയ അന്തരീക്ഷമല്ല ഗുജറാത്തിലേത്.- ലിംഗ്ദോ പറഞ്ഞു.

ലിംഗ്ദോയുടെ പ്രസ്താവന ബിജെപിയ്ക്ക് കനത്ത തിരിച്ചടിയായിരിക്കുകയാണ്. ഗുജറാത്തില്‍ കഴിഞ്ഞ ഒരാഴ്ചയോളം നീണ്ടുനിന്ന പര്യടനത്തിന് ശേഷമാണ് തിരഞ്ഞെടുപ്പ് കമ്മീഷന്‍ തിരഞ്ഞെടുപ്പ് നടത്താന്‍ സമയമായില്ലെന്ന് പ്രസ്താവിച്ചിരിക്കുന്നത്. ഗുജറാത്തില്‍ ഉടനെ തിരഞ്ഞെടുപ്പ് നടത്തണമെന്നതാണ് ബിജെപിയുടെ നിലപാട്.