പൂരങ്ങള് പ്രചരിപ്പിക്കാന് കരാര്
തിരുവനന്തപുരം: കേരളത്തിന്റെ പേരുകേട്ട പരമ്പരാഗത ഉത്സവങ്ങള് വിനോദസഞ്ചാരികളിലെത്തിക്കാന് കരാര്. സര്ക്കാരും ഫാര് ഹൊറൈസണ് പ്രൊജക്ട്സ് പ്രൈവറ്റ് ലി. കമ്പനിയും ചേര്ന്നാണ് ഇതു സംബന്ധിച്ച ധാരണാ പത്രം ഒപ്പുവച്ചത്. പേരു കേട്ട ടൂര് ഓപ്പറേറ്റര്മാരാണ് ഫാര് ഹൊറൈസണ്.
ആറാട്ടുപുഴ പൂരം, കല്പാത്തി ഉത്സവം, മലയാറ്റൂര് ഉത്സവം, തൃശൂര് പൂരം എന്നീ പേരുകേട്ട ഉത്സവങ്ങളാണ് ഫാര് ഹൊറൈസണ് സ്വദേശികളും വിദേശികളുമായ വിനോദസഞ്ചാരികളിലെത്തിക്കുക. ദേശീയ-അന്തര്ദേശീയ ടൂറിസം മേഖലകളില് ഈ ഉത്സവങ്ങള് സംബന്ധിച്ച വിവരങ്ങള് എത്തിക്കേണ്ടതും ഫാര് ഹൊറൈസന്റെ ഉത്തരവാദിത്വമായിരിക്കും.
ഈ ഉത്സവങ്ങള് നടക്കുമ്പോള് ഫാര് ഹൊറൈസണ് പ്രത്യേക സ്റാളുകള് പുരപ്പറമ്പില് ഉയര്ത്തും. വിദേശി-സ്വദേശി ടൂറിസ്റുകളെ ഉത്സവത്തിനെത്തിക്കാനും ഉത്സവം സംബന്ധിച്ച വിവരങ്ങള് കൈമാറാനുമാണ് ഈ സ്റാളുകള്.
ഇക്കാര്യത്തില് സര്ക്കാരിന് പ്രത്യേകിച്ച് ചെലവുകളൊന്നുമില്ലെന്ന് വിനോദസഞ്ചാരമന്ത്രി കെ.വി. തോമസ് പറഞ്ഞു. അവര്ക്ക് വേണ്ട സൗകര്യങ്ങള് നല്കുക മാത്രമാണ് സര്ക്കാരിന്റെ ഉത്തരവാദിത്വം.- തോമസ് പറഞ്ഞു.