പാരിസ്ഥിതിക ആരോഗ്യം: വിവരങ്ങള്‍ ശേഖരിക്കും

തിരുവനന്തപുരം: ലോകാരോഗ്യ സംഘടനയും കേന്ദ്ര വനം-പരിസ്ഥിതി വകുപ്പും ചേര്‍ന്ന് നടപ്പിലാക്കുന്ന പദ്ധതിയുടെ കീഴിലായി ഒമ്പത് നഗരങ്ങളിലെ പാരിസ്ഥിതിക ആരോഗ്യം സംബന്ധിച്ച വിവരങ്ങള്‍ ശേഖരിക്കും.

ഈ ഒമ്പത് നഗരങ്ങളില്‍ തിരുവനന്തപുരവും ഉള്‍പ്പെടും. ദില്ലി, കൊല്‍ക്കത്ത, മുംബൈ, ചെന്നൈ, ബാംഗ്ലൂര്‍, അഹമ്മദാബാദ്, ചണ്ഡീഗഡ്, ലക്നോ എന്നിവയാണ് മറ്റ് നഗരങ്ങള്‍.

റീജിയണല്‍ കാന്‍സര്‍ സെന്ററിന്റെയും സംസ്ഥാന മലിനീകരണ നിയന്ത്രണ ബോര്‍ഡിന്റെയും ആഭിമുഖ്യത്തില്‍ പദ്ധതിയുടെ വാര്‍ഷിക അവലോകന യോഗം നടന്നു.