അക്ഷരമാല - പുതിയ മലയാളം സോഫ്റ്റ്വേര്‍

തിരുവനന്തപുരം: അക്ഷരമാല എന്ന പേരിലുള്ള പുതിയ മലയാളം സോഫ്റ്റ്വേര്‍ പുറത്തിറക്കി. സെന്റര്‍ ഫോര്‍ ഡവലപ്പ്മെന്റ് ഓഫ് ഇമേജിംഗ് ടെക്നോളജിയും (സി ഡിറ്റ്) കേന്ദ്ര സര്‍ക്കാര്‍ സ്ഥാപനമായ ഇ ആര്‍ ആന്‍ഡ് ഡി സി യും സംയുക്തമായാണ് ഇതിന് രൂപം നല്‍കിയത്.

വിവിധ 25 ഫോണ്ടുകളും ഇതിലുണ്ട്. തികച്ചും തനതായ രീതിയിലാണ് ഈ ഫോണ്ടുകള്‍ക്ക് രൂപം നല്‍കിയിരിയ്ക്കുന്നതെന്ന് സി ഡിറ്റിന്റെ ഡയറക്ടര്‍ അച്ച്യുത് ശങ്കര്‍ പറഞ്ഞു. വൈകാതെ ഇത് വിപണിയില്‍ ലഭ്യമാവും.