സ്വീഡന്‍ സഹായത്തോടെ നവീന ബസുകള്‍

തിരുവനന്തപുരം: സ്വീഡനിലെ സര്‍ക്കാരിന്റെ സഹായത്തോടെ കേരളത്തില്‍ പരിസ്ഥിതി സൗഹൃദ ബസുകള്‍ ഇറക്കും. പുകകൊണ്ടുള്ള മാലിന്യം കുറഞ്ഞ ബസുകളാണിവ.സ്വീഡീഷ് സര്‍ക്കാരിന്റെ പ്രതിനിധികളുമായി ചര്‍ച്ച ചെയ്ത ശേഷം ഗതാഗതവകുപ്പുമന്ത്രി കെ.ബി. ഗണേഷ്കുമാര്‍ അറിയിച്ചതാണിത്.

ഇതിനായി സ്വീഡന്‍ സര്‍ക്കാര്‍ സഹായം നല്‍കുന്നുണ്ട്. 1000 ബസുകള്‍ നിരത്തിലിറക്കാനാണ് ഉദ്ദേശിയ്ക്കുന്നത്. കെ എസ് ആര്‍ ടി സി യുടെ കീഴില്‍ പുതുതായി ഉണ്ടാക്കുന്ന കമ്പനി ആയിരിയ്ക്കും ഈ ബസ് സര്‍വീസുകള്‍ നടത്തുക. പദ്ധതിയ്ക്കായി കേരള സര്‍ക്കാര്‍ അടിസ്ഥാന സൗകര്യങ്ങള്‍ മാത്രം നല്‍കും.

വൈദ്യുതി നിരക്ക് വര്‍ദ്ധനവിനെതിരെ പ്രതിപക്ഷം നടത്തുന്ന അക്രമം കാരണം കെ എസ് ആര്‍ ടി സി യ്ക്ക് ദിനം പ്രതി വന്‍ നഷ്ടമാണ് ഉണ്ടാവുന്നത്. ഇത് തുടര്‍ന്നാല്‍ നഷ്ടം ഉണ്ടാകാതിരിയ്ക്കാനായി ബസ് ഓടിയ്ക്കേണ്ടെന്ന് തീരുമാനിയ്ക്കേണ്ടിവരുമെന്ന് ഗണേശ് കുമാര്‍ പറഞ്ഞു.

കെ.എസ്.ആര്‍.ടി.സിയിലെ കംപ്യൂട്ടര്‍വല്‍ക്കരണം ഉടന്‍ പൂര്‍ത്തിയാകും. ടിക്കറ്റ് വിതരണത്തിന് യന്ത്രങ്ങള്‍ ഏര്‍പ്പെടുത്തുന്ന പദ്ധതി അടുത്തമാസം നിലവില്‍ വരുമെന്നും ഗണേഷ് കുമാര്‍ പറഞ്ഞു.