കാര്യങ്ങൾ അതിവേഗം അറിയാൻ
For Daily Alerts
തമിഴ്നാടിന് വെള്ളം കൊടുക്കണ്ടെന്ന് കര്ണാടക മന്ത്രിസഭ
ബാംഗ്ലൂര്: സുപ്രീം കോടതി വിധി അനുസരിച്ച തമിഴ്നാടിന് കാവേരീ ജലം കൊടുക്കണ്ടെന്ന് കര്ണാടകത്തിന്റെ മന്ത്രിസഭായോഗം തീരുമാനിച്ചു.
ഒക്ടോബര് അഞ്ചിന് വിളിച്ച് ചേര്ത്ത പ്രത്യേക മന്ത്രിസഭായോഗമാണ് ഈ തീരുമാനം എടുത്തത്. സുപ്രീം കോടതി വിധി വന്ന ഉടനെ തന്നെ കര്ണാടകത്തിന്റെ മുഖ്യമന്ത്രി എസ് എം കൃഷ്ണ വെള്ളം കൊടുക്കാനാവില്ലെന്ന് വ്യക്തമാക്കിയിരുന്നു. ഇതിനെ ശരിവച്ചുകൊണ്ടാണ് മന്ത്രിസഭ ഈ തീരുമാനം എടുത്തത്.
മാണ്ഡ്യ, മൈസൂര് പ്രദേശത്ത് ഇപ്പോള് കര്ഷകര് സമരം നടത്തുകയാണ്. നിറുത്തി വച്ചിരുന്ന സമരം സുപ്രീം കോടതി വിധിയെതുടര്ന്നാണ് വീണ്ടും തുടങ്ങിയത്. ബാംഗ്ലൂരില് നിന്ന് മൈസൂരിലേയ്ക്ക് തീവണ്ടികളും ബസുകളും ഒന്നും തന്നെ ഓടുന്നില്ല.
Comments