കര്‍ണ്ണാടക സര്‍ക്കാരിനെ പിരിച്ചുവിടണം: ജയ

ചെന്നൈ: സുപ്രീം കോടതി വിധി ലംഘിച്ച കര്‍ണ്ണാടക സര്‍ക്കാരിനെ പിരിച്ചുവിടണമെന്ന് തമിഴ്നാട് മുഖ്യമന്ത്രി ജയലളിത. ഒക്ടോബര്‍ ആറ് ഞായറാഴ്ച വാര്‍ത്താസമ്മേളനത്തിലാണ് ജയലളിത ഈ ആവശ്യമുന്നയിച്ചത്.

തമിഴ്നാടിന് കാവേരീജലം നല്കാനുള്ള സുപ്രീംകോടതി വിധിയെ കര്‍ണ്ണാടക സര്‍ക്കാര്‍ ലംഘിച്ചു. ഇനി 356 ാം വകുപ്പ് പ്രകാരം കര്‍ണ്ണാടക സര്‍ക്കാരിനെ കേന്ദ്രം പിരിച്ചുവിടണം. - ജയലളിത ആവശ്യപ്പെട്ടു.

സുപ്രീംകോടതി വിധി വീണ്ടും ലംഘിച്ച കര്‍ണ്ണാടക മുഖ്യമന്ത്രിയ്ക്കും സര്‍ക്കാരിനുമെതിരെ വീണ്ടും സുപ്രീംകോടതിയില്‍ പുതിയ കോടതിയലക്ഷ്യക്കേസ് നല്കുമെന്നും ജയലളിത അറിയിച്ചു.