കെ ജി ജോര്‍ജ്ജ് മാക്ട അദ്ധ്യക്ഷനായി സ്ഥാനമേറ്റു

കൊച്ചി: സംവിധായകന്‍ കെ ജി ജോര്‍ജ്ജ് മലയാളം സിനി ടെക്നീഷ്യന്‍സ് അസോസിയേഷന്റെ (മാക്ട) അദ്ധ്യക്ഷനായി സ്ഥാനമേറ്റു.

വിമതവിഭാഗം മാക്ട തിരഞ്ഞെടുപ്പിനെതിരെ നല്‍കിയിരുന്ന കേസ് തള്ളിയതിനെതുടര്‍ന്നാണ് ജോര്‍ജ്ജിന് സ്ഥാനമേല്കാനുളള അവസരം ഒരുങ്ങിയത്. നേരത്തേ ഇവര്‍ സ്ഥാനമേല്കുന്നത് കോടതി തടഞ്ഞിരുന്നു.

പി ജി വിശ്വംഭരന്‍ ( വൈസ് ചെയര്‍മാന്‍) സിബി മലയില്‍ (ജനറല്‍ സെക്രട്ടറി) ഷിബു ചക്രവര്‍ത്തി (സെക്രട്ടറി) വി സി അശോക്, ബി അശോക് ( നിര്‍വാഹക സമിതി അംഗങ്ങള്‍) എന്നിവരാണ് സ്ഥാനമേറ്റ മറ്റ് ആളുകള്‍