വെള്ളം വിട്ടുകൊടുക്കണമെന്ന് കൃഷ്ണയോട് ഹൈക്കമാന്റ്

ദില്ലി: തമിഴ്നാടിന് കാവേരി ജലം വിട്ടുക്കൊടുക്കാന്‍ കോണ്‍ഗ്രസ് ഹൈക്കമാന്റ് കര്‍ണാടക മുഖ്യമന്ത്രി എസ്. എം. കൃഷ്ണയ്ക്ക് നിര്‍ദേശം നല്‍കി.

വെള്ളം വിട്ടുകൊടുക്കാനുള്ള നിര്‍ദേശം പാലിക്കാത്ത കര്‍ണാട സര്‍ക്കാരിനെതിരെ സുപ്രിം കോടതി ശക്തമായ വിമര്‍ശനം ഉയര്‍ത്തിയ സാഹചര്യത്തിലാണ് ഹൈക്കമാന്റ് കൃഷ്ണയ്ക്ക് ഈ നിര്‍ദേശം നല്‍കിയത്.

കാവേരി പ്രശ്നത്തെ കുറിച്ച് ചര്‍ച്ച ചെയ്യാന്‍ കൃഷ്ണ ഒക്ടോബര്‍ 27 ഞായറാഴ്ച അടിയന്തിര മന്ത്രിസഭാ യോഗം വിളിച്ചിട്ടുണ്ട്. അടുത്തതായി എന്തു ചെയ്യണമെന്ന് തീരുമാനിക്കാന്‍ നിയമ ഉപദേശം തേടുമെന്ന് കൃഷ്ണ പറഞ്ഞു.