പിള്ളയെ അറസ്റ്ചെയ്യണം: ബിജെപി

തൃശൂര്‍: പ്രകോപനപരമായ പ്രസംഗത്തിലൂടെ പിഡിപി പ്രവര്‍ത്തകരെ അക്രമത്തിന് പ്രേരിപ്പിച്ച ആര്‍. ബാലകൃഷ്ണപിള്ളയെ പോട്ട പ്രകാരം അറസ്റ് ചെയ്യണമെന്ന് ബിജെപി. നവമ്പര്‍ രണ്ട് ശനിയാഴ്ച ബിജെപി സംസ്ഥാന ജനറല്‍ സെക്രട്ടറി പി.പി. മുകുന്ദന്‍ വാര്‍ത്താലേഖകരോട് സംസാരിക്കുകയായിരുന്നു.

പിള്ളയ്ക്കെതിരെ ബിജെപി നിയമനടപടികളെടുക്കും. പിള്ളയുടെ പ്രസംഗം രാജ്യദ്രോഹവും ഭരണഘടനാ ലംഘനവുമാണ്. എംഎല്‍എ എന്ന നിലയില്‍ പിള്ള എടുത്ത സത്യപ്രതിജ്ഞ ലംഘിച്ചിരിക്കുകയാണ്. വൈകാതെ പിള്ളയുടെ നിയമസഭാംഗത്വം റദ്ദാക്കണം - മുകന്ദന്‍ ആവശ്യപ്പെട്ടു.

വിഎച്ച്പി നേതാവ് തോഗാഡിയയെ തീവ്രവാദിയായും കോയമ്പത്തൂര്‍ ബോംബ് സ്ഫോടനക്കേസിലെ പ്രതി മദനിയെ നിഷ്കളങ്കനായും വിശേഷിപ്പിച്ച ബാലകൃഷ്ണപിള്ളയെ പോട്ടാ നിയമപ്രകാരം ഉടനെ അറസ്റ് ചെയ്യണം. പിഡിപി മാര്‍ച്ചിനോടനുബന്ധിച്ച് തിരുവനന്തപുരത്ത് നടന്ന കലാപം അടിച്ചമര്‍ത്തുന്നതില്‍ പരാജയപ്പെട്ട ഡിജിപിയുടെ വിശദീകരണം അപകടകരമാണ്. - മുകുന്ദന്‍ അഭിപ്രായപ്പെട്ടു.