1500 കായികതാരങ്ങള്ക്ക് പണം നല്കും
തിരുവനന്തപുരം: അന്താരാഷ്ട്ര- ദേശീയ വേദികളില് മെഡലുകള് വാരിക്കൂട്ടിയ 1500 താരങ്ങള്ക്ക് സര്ക്കാര് കുടിശ്ശികയായി നല്കാനുള്ള തുക നല്കും. നവമ്പര് രണ്ട് ശനിയാഴ്ച മുഖ്യമന്ത്രി എ.കെ. ആന്റണി അറിയിച്ചതാണ് ഇക്കാര്യം.
1997മുതല് പല തവണയായി ഈ താരങ്ങള്ക്ക് വാഗ്ദാനം ചെയ്ത പ്രതിഫലത്തുക നല്കുന്നതില് സര്ക്കാര് വീഴ്ചവരുത്തിയിരുന്നു. ഈ കുടിശ്ശിക തീര്ക്കാന് മൊത്തം 2.43 കോടി രൂപ വേണ്ടിവരുമെന്ന് മുഖ്യമന്ത്രി പറഞ്ഞു.
പി.ടി. ഉഷ, ഷൈനി വിത്സണ്, കെ. സാറാമ്മ തുടങ്ങിയ പഴയ താരങ്ങള്ക്കും കുടിശ്സിക നല്കാനുണ്ട്. 1997ലാണ് ദേശീയ-അന്തര്ദേശീയ മത്സരങ്ങളില് സമ്മാനം നേടുന്ന കായികതാരങ്ങള്ക്ക് ക്യാഷ് അവാര്ഡ് നല്കാനുള്ള സര്ക്കാര് ഉത്തരവ് പുറത്തിറങ്ങിയത്. പി.ടി. ഉഷയ്ക്ക് കുടിശ്ശിക ഇനത്തില് 1.43 ലക്ഷം കൊടുക്കാനുണ്ടെന്ന് കേരള സ്പോര്ട്സ് കൗണ്സില് ഭാരവാഹികള് പറഞ്ഞു.
Click it and Unblock the Notifications
Sign in with Google