ഐക്യമുന്നണി യോഗം തുടങ്ങി
തിരുവനന്തപുരം: ഐക്യജനാധിപത്യ മുന്നണി ഏകോപന സമിതിയുടെ ഒരു ദിവസത്തെ യോഗം കോവളത്ത് തുടങ്ങി.
കേരളാ കോണ്ഗ്രസ് (ബി) നേതാവ് ആര് ബാലകൃഷ്ണപിള്ള നടത്തിയ വിവാദ പ്രസ്താവനയടെ പശ്ചാത്തലത്തിലാണ് യോഗം നടക്കുന്നത്. യോഗത്തില് ബാലകൃഷ്ണപിള്ളപങ്കെടുക്കുന്നില്ല. എന്നാല് പിള്ളയുടെ പാര്ട്ടിയുടെ മന്ത്രിയായ ഗണേശ് കുമാര് പങ്കെടുക്കുമെന്ന് വ്യക്കമാക്കിയിട്ടുണ്ട്. കോണ്ഗ്രസിലെ ചില അംഗങ്ങല് പിള്ളയ്ക്ക് എതിരെ വാളുമായി രംഗത്ത് എത്തിയിട്ടുണ്ട്. മുസ്ലീം ലീഗിനും പിള്ളയുടെ പി ഡി പി യോഗത്തിലെ പ്രസംഗം അത്ര ഇഷ്ടപ്പെട്ടില്ല. ഈ സാഹചര്യത്തില് ഐക്യമുന്നണിയോഗം പ്രാധാന്യമുള്ളതാണ്.
യോഗത്തിലെ പ്രധാന വിഷയം പിള്ള പ്രശ്നം തന്നെയായിരിയ്ക്കും. മുന്നണിയില് പിള്ള ഒറ്റപ്പെട്ട അവസ്ഥയാണ്. പിള്ളയുടെ കേരളാ കോണ്ഗ്രസ്സും ടി എം ജേക്കബിന്റെ കേരളാ കോണ്ഗ്രസും നയപരമായ കാര്യങ്ങളില് ഒരുമിച്ച് പ്രവര്ത്തിയ്ക്കാന് തീരുമാനമെടുത്തിരുന്നു. അതുകൊണ്ട് ഏകോപന സമിതി യോഗത്തില് പിള്ളയ്ക്ക് ജേക്കബിന്റെ പിന്തുണ കിട്ടുമെന്ന് പ്രതീക്ഷിയ്ക്കാം. എന്നാലും യോഗത്തില് ഉണ്ടാവുന്ന ആക്രമണങ്ങല് ചെറുക്കാന് ജേക്കബിന് കഴിയുമോയെന്ന് സംശയമാണ്.
ഐക്യമുന്നണി ബാലകൃഷ്ണപിള്ളയ്ക്കെതിരെ നടപടി എടുക്കുമോയെന്നതാണ് നവംബര് നാല് തിങ്കളാഴ്ച കോവളത്ത് നടക്കുന്ന ഐക്യമുന്നണി ഏകോപന സിമിതിയുടെ പ്രാധാന്യം.