ഐ ഗ്രൂപ്പ് മന്ത്രിസഭാ പുന:സംഘടന ആവശ്യപ്പെടും
തിരുവനന്തപുരം: മന്ത്രിസഭാ പുന:സംഘടന നടത്താന് ഐ ഗ്രൂപ്പ് മുഖ്യമന്ത്രിയോട് ആവശ്യപ്പെട്ടേക്കും.
കെ. കരുണാകരന്റെ വീട്ടില് നടക്കുന്ന നവംബര് ഏഴ് വ്യാഴാഴ്ച നടക്കുന്ന യോഗത്തില് ഇക്കാര്യം ചര്ച്ച ചെയ്യുന്നുണ്ട്. മുഖ്യമന്ത്രിയെ നേരിട്ടുകണ്ട് ഈ ആവശ്യം ഉന്നയിക്കണമെന്നാണ് ചില ഐ ഗ്രൂപ്പ് നേതാക്കള് ആവശ്യപ്പെട്ടിരിക്കുന്നത്. മുഖ്യമന്ത്രിയെ കണ്ട് ഈ ആവശ്യം ധരിപ്പിക്കാനുള്ള തീയതി യോഗത്തില് തീരുമാനിക്കും.
കഴിഞ്ഞ ഐ ഗ്രൂപ്പ് യോഗമാണ് മുഖ്യമന്ത്രിയെക്കണ്ട് മന്ത്രിസഭാ പുനസംഘടന ആവശ്യപ്പെടാന് തീരുമാനിച്ചത്. അടുത്ത യോഗത്തില് തീയതി തീരുമാനിയ്ക്കാനാണ് അന്ന് നിശ്ചയിച്ചത്. അതിനുള്ള യോഗമാണ് വ്യാഴാഴ്ച നടക്കുന്നത്. രേഖാമൂലം ആവശ്യം ഉന്നയിയ്ക്കണമെന്നാണ് പല ഐ ഗ്രൂപ്പ് നേതാക്കളുടേയും ആവശ്യം.
കെ പി സി സി ഏകോപന സമിതിയില് ഐ ഗ്രൂപ്പില് നിന്ന് രണ്ടു പേരെ കൂടി ഉള്പ്പെടുത്തണമെന്ന ആവശ്യം ഉന്നയിക്കാനും യോഗം തീരുമാനിച്ചിട്ടുണ്ട്. കെ പി സി സി പ്രസിഡന്റ് കെ. മുരളീധരന്റെ ഏകോപന സമിതിയിലെ അംഗത്വം ഐ ഗ്രൂപ്പിന്റെ അംഗത്വമായി കാണേണ്ടതില്ലെന്നാണ് ഐ ഗ്രൂപ്പിന്റെ നിലപാട്.
സര്ക്കാരിനെതിരായ നിലപാട് തുടരാനും യോഗത്തില് തീരുമാനിച്ചിട്ടുണ്ട്.