വിദേശ സര്‍വകലാശാലകള്‍ അനുവദിക്കും

ബാംഗ്ലൂര്‍: വിദേശ സര്‍വകലാശാലകളെ ഇന്ത്യയില്‍ പ്രവര്‍ത്തിക്കാനനുവദിക്കുന്നതിനെക്കുറിച്ച് സര്‍ക്കാര്‍ ആലോചിച്ചുവരികയാണെന്ന് കേന്ദ്രമാനവവിഭവവകുപ്പു മന്ത്രി അര്‍ജുന്‍ സിഹ് അറിയിച്ചു.

ആഗോളവല്‍ക്കരണം വ്യാപകമാകുന്ന ഇന്നത്തെ സാഹചര്യത്തില്‍ വിദേശസര്‍വകലാശാലകളെ അകറ്റിനിര്‍ത്തിയിട്ടുകാര്യമില്ല. എന്നാല്‍ ഇക്കാര്യത്തില്‍ ഇതുവരെ സര്‍ക്കാര്‍ നയം രൂപീകരിച്ചിട്ടില്ല. വിദേശ സര്‍വകലാശാലകള്‍ വരുന്നതുകൊണ്ട് ഇന്ത്യന്‍ വിദ്യാഭ്യാസ സ്ഥാപനങ്ങള്‍ക്ക് ദോഷമുണ്ടാകാതെ ശ്രദ്ധിക്കുമെന്നും അദ്ദേഹം പറഞ്ഞു.

എന്‍.ഡി.എ സര്‍ക്കാരിന്റെ ഭരണകാലത്ത് ടെന്‍ഡര്‍ വഴി പല സ്ഥലങ്ങളിലും താല്‍ക്കാലിക അധ്യാപക നിയമനം നടത്തിയതിനെക്കുറിച്ച് സര്‍ക്കാര്‍ അന്വേഷിക്കും.

ആവശ്യമില്ലാത്തെ 50 കോടിയുടെ പുസ്തകങ്ങളടിച്ച എന്‍.ഡി.എ സര്‍ക്കാരിന്റെ നടപടിയെ വിമര്‍ശിച്ച മന്ത്രി ആ പുസ്തകങ്ങള്‍ എന്താണു ചെയ്യേണ്ടതെന്നറിയില്ലെന്നും പറഞ്ഞു.