മുരളിക്കെതിരെ സുധീരന് വീണ്ടും
തിരുവനന്തപുരം: കെ. മുരളീധരന് ഒരേ സമയം വാദിയുടെയും വിധികര്ത്താവിന്റെയും പ്രതിയുടെയും റോളുകള് കൈകാര്യം ചെയ്യുകയാണെന്ന് വി.എം. സുധീരന് എംപി. ഒരു സ്വകാര്യ ടിവി ചാനലിന് അനുവദിച്ച അഭിമുഖത്തിലാണ് നവമ്പര് 16 ശനിയാഴ്ച സുധീരന് ഈ വിമര്ശനം ഉയര്ത്തിയത്.
തനിക്ക് ഇഷ്ടമില്ലാത്തവരെ വിമര്ശിക്കുകയും അതേ സമയം അച്ചടക്കത്തെപ്പറ്റി സംസാരിക്കുകയും ചെയ്യുകയാണ് മുരളീധരന്. ഈ സര്ക്കാരിനെ വിമര്ശിക്കുന്നത് ഒരു ശൈലിയായി സ്വീകരിച്ചവരുണ്ട്. അവരുടെ വിമര്ശനങ്ങള് മുരളി കണ്ടില്ലെന്ന് നടിക്കുകയാണ്. - സുധീരന് പറഞ്ഞു.
ഞാന് ഈ സര്ക്കാരിന്റെ സ്ഥിരം വിമര്ശകനല്ല. പൊതു താല്പര്യത്തെ മുന്നിര്ത്തി ചില കാര്യങ്ങള് ബന്ധപ്പെട്ടവരെ അറിയിക്കാറുണ്ട്. ഇവിടെ അഴിമതി കൂടുകയാണ്. പൊലീസുള്പ്പെടെ മിക്കവാറും മേഖലകളില് അഴിമതി കൂടുകയാണെന്നും മാത്രമല്ല, അത് താഴെതട്ടിലേക്ക് കൂടി പരക്കുകയാണ്. ഗുണ്ടാസംഘം അഴിഞ്ഞാടുകയാണ്. - സുധീരന് പറഞ്ഞു.
Click it and Unblock the Notifications
Sign in with Google